Qurban Hacıyev “Rusenborq” və “Vikinq” üçün gedir
“Bude/Qlimt”in azərbaycanlı azarkeşi Qurban Hacıyev mayın 22-də Norveçə səfər edəcəyini daha əvvəl saytımıza verdiyi açıqlamada bildirmişdi. Həmin vaxt o, viza ilə bağlı müraciətinə cavab gözlədiyini qeyd etmişdi.
Görəsən, vizanı aldımı? Mayın 22-də yola düşəcəkmi? Bu sualları Qurban bəyə ünvanladıq:
“Vizamı bu gün aldım. Uçuş biletimi norveçlilər təmin edib. Birisigün Norveçə yola düşürəm, mayın 30-da qayıdacam. Səfər zamanı “Rosenborq” və “Vikinq” ilə oyunlarında iştirak edəcəyəm. Hər iki matçı VIP tribunadan izləyəcəyəm. Oyunlardan sonra isə klubun nümayəndələri ilə şam yeməyi təşkil olunacaq.”
ƏSƏD SEYİDOV
