“Bavariya”nı tərk edə bilər

Leroy Sane klubunu bu yay tərk edə bilər.

O, “Bavariya”nın yeni müqavilə təklifini qəbul etməyib. “Sky Sports”un məlumatına görə, Münhen klubu hazırda ildə 20 milyon avro qazanan 29 yaşlı futbolçuya 10 milyon maaş və əlavə olaraq 5,5 milyon bonus olmaqla birillik müqavilə təklif edib. Klub onun üçün həftəsonuna qədər son tarix təyin edib.

Sane isə rəhbərliyin yeni təklifinə məhəl qoymaq fikrində deyil. O, fikrini dəyişməsə, yayda azad agent kimi istənilən kluba keçə bilər.

Leroy bu mövsüm bundesliqada meydana çıxdığı 29 matçda 11 qol vurub və 5 məhsuldar ötürmə edib.