“Neftçi” ölkə kubokunun yarımfinalında mübarizəni dayandırandan sonra avrokuboklara vəsiqə uğrunda yalnız “Araz-Naxçıvan”, “Turan Tovuz” və “Sabah” yarışır. “Qarabağ”la “Zirə”nin ölkəmizi yayda Avropada təmsil edəcəyinə isə şübhə etməyə dəyməz.

Bəs bu üç komandanın qışdan sonrakı rəqabətində hansı üstündü?

Qış fasiləsindən sonra komandalar 15 oyun keçirib. “Araz-Naxçıvan” 2 qələbə, 10 heç-heçə və 3 məğlubiyyətlə 16 xal toplayıb, 12 top vurub, 13-nü buraxıb. 

“Turan Tovuz” 4 qələbə, 5 heç-heçə və 6 məğlubiyyətlə 17 xal toplayıb. 13 dəfə fərqlənən tovuzlular qapısından 22 top buraxıb. 

“Sabah” 2 qələbə, 9 heç-heçə və 4 məğlubiyyətlə 15 xal əldə edib. Topların fərqi 18-19-du.

Yəni üç komanda üçün kiçik turnir cədvəli qursaq, “Turan Tovuz” 17 xalla 1-ci, “Araz-Naxçıvan” 16 xalla 2-ci, “Sabah” 15 xalla 3-cü pillədə qərarlaşar.

ƏSƏD SEYİDOV