“İnter”lə ilk yarımfinal oyununu yüksək səviyyədə keçirən futbolçulardan biri də Rafinya idi.

Football-plus.az" xəbər verir ki, onun hərəkətləri “Barselona”nın iki dəfə hesabı bərabərləşdirməsinə imkan verdi. Braziliyalı ilk yarıda başla topu elə mövqeyə endirdi ki, Ferran Torresə, sadəcə, boş qapını “nişan almaq” qaldı. 2-ci hissədə isə künc zərbəsinin ardından qapıya sanki “raket göndərdi”. Top əvvəlcə tirə, ardından Yan Zommerin kürəyinə dəyib tora daxil oldu. Statistikada Rafinya üçün iki məhsuldar ötürmə yazıldı.

Braziliyalı Çempionlar Liqasının cari mövsümündə “qol+ötürmə” sistemi üzrə artıq 20 xal toplayıb. Turnirin tarixində yalnız bir futbolçu – Kriştiano Ronaldo daha yaxşı nəticə göstərib. Portuqaliyalı ulduz 2013/14 mövsümündə 21 məhsuldar hərəkət müəllifi olub.

1. Kriştiano Ronaldo Real 2013/14 21
2. Rafinya Barselona 2024/25 20
3. Kriştiano Ronaldo Real 2015/16 20
4. Robert Levandovski Bavariya 2019/20 20
5. Lionel Messi Barselona 2011/12 19

Rafinyanın turnirdə daha bir oyun keçirəcəyi dəqiqdi, “Barsa” “İnter”i keçsə, hətta iki. Bu üzdən braziliyalının Kriştianonun rekordunu yeniləməsi tam real variantdı.