Tural Piriyev Bilal Rüstəmovun şok iddiasını cavabladı – “üzr istədi, bildirdi ki, saytdan sildirəcək”
Bilal Rüstəmovun AFFA Hakimlər Departamentinin rəhbəri Ömər Paşayevin fəaliyyətindən narazı qaldığını xəbər vermişdik.
Xatırladaq ki, sabiq hakim haqsızlığa uğradığını, bu üzdən sevimli peşəsindən kənarda qaldığını bildirir və Ömər Paşayev tərəfindən təzyiqə məruz qaldığını, Cavid Cəlilovun departament rəhbəri olduğu dövrdə dost-tanışlarına premyer-liqa matçlarında təyinat verdiyini iddia edir. Bu barədə “idmanxeber.az” saytına ətraflı məlumat verən Bilal Rüstəmov daha bir şəxsin adını çəkib. Sabiq hakim təyinatlara nəzarət edən daha bir şəxsin – Bəxtiyar Osmanlının özünə təyinat yazdığını, bunu Futbolun İnkişaf Fondunun icraçı direktoru Tural Piriyevə arxalanaraq etdiyini deyir.
Bu iddiayla bağlı Tural bəyin mövqeyini öyrəndik. Onun “Football-plus.az”a cavabı:
“Bu haqda “feysbuk”da paylaşılan xəbərin rəy bölməsində fikirlərimi bildirmişəm. Bilal Rüstəmov mənlə əlaqə saxlayaraq, ifadələrinə görə üzr istədi. Bildirdi ki, iddialarını saytdan sildirəcək. Təbii ki, bu məsələ ilə hansısa əlaqəm yoxdu. Bəxtiyar Osmanlıyla fərqli şöbələrdə olsa da, birgə çalışmışıq. Onu sonuncu dəfə 4-5 il əvvəl görmüşəm. Xəbəri oxuyanda çox təəccübləndim. Mən necə Hakimlər Departamentinin işinə müdaxilə edə bilərəm ki? Kiminsə arxasında durmaq səlahiyyətim də yoxdu. Qısası, bu iddia böhtandan başqa bir şey deyil”.
KƏNAN BAHADIR
Digər xəbərlər
