PFL Kadi Borgesin etirazına cavab verdi – “evə tez getməyi düşünür, amma...”
Bilindiyi kimi, ölkə kubokunun final matçı mayın 31-də, Mehdi Hüseynzadə adına Sumqayıt şəhər stadionunda keçiriləcək. “Qarabağ” nominal meydan sahibi kimi “Sabah”ı qəbul edəcək.
Maraqlıdı ki, Kadi Borges bu yaxınlarda həmkarlarımızdan birinə açıqlamasında finalın tarixiylə bağlı etirazını dilə gətirib. Braziliyalı yarımmüdafiəçi premyer-liqada mövsümə yekun vurulandan sonra daha bir həftə Azərbaycanda qalmağın əleyhinə olduğunu bildirib. Yəni “köhlən atlar”ın yarımmüdafiəçisi finalın daha erkən keçirilməsinin tərəfdarıdı.
Bəs PFL bu məsələyə necə yanaşır? Onsuz da iyunun 1-dən mayın 31-nə dəyişdirilən tarix yenidən dəyişə bilərmi? Ümumiyyətlə, Kadinin sözlərində həqiqət payı varmı?
“Football-plus.az”ın suallarını qurumun Media və marketinq direktoru Sənan Abdullayev cavabladı:
“Tarix mövsümün əvvəlində açıqlanıb. İndi isə Azərbaycanda keçiriləcək mötəbər yarışın – minifutbol üzrə dünya çempionatının final matçı ilə bağlı daha önə çəkilib. Legioner evə tez getməyi düşünür, amma komanda yoldaşlarının finala hazırlığını, komandasının, ümumiyyətl,ə bununla bağlı razılığını düşünmür. Bizə klublar tərəfindən hansısa müraciət daxil olmayıb. Çünki klublar da başa düşür ki, qərar səbəbsiz yerə verilmir”.
KƏNAN BAHADIR
Digər xəbərlər
