''Mourinyonun hələ də Avropa futboluna çox şey verə biləcəyini düşünürəm. O, məşqçi kimi dahidi və hələ də ən yüksək səviyyədə işləmək potensialına malikdi. Onu yenidən premyer-liqada görmək istərdim. Çünki getdiyi yerlərdə hələ də rekordlar qırır. Ciddi bir şey qazanmaq istəyən klub Mourinyo ilə anlaşsın. Onun İngiltərəyə qayıdacağına əminəm. İngiltərəni və Londonu sevir. Burda tarix yazıb. Hansı kluba gedirsə getsin, mütləq nəticə qazanacaq. Onunla hər zaman münasibətlərimiz çox yaxşı olub. Mənə həmişə güvənib və məndən daha artıq performans gözləyib. Onun sayəsində mən də bacardığımın maksimumunu sərgiləyirdim. Bunun üçün ona təşəkkür edirəm. Karyeramda ən yaxşı futbolumu məhz onun dönəmində sərgiləmişdim. Bütün böyük oyunlarda mənə şans verməsi mənə olan inamından xəbər verirdi''.