“Roma”nı çalışdıran Joze Mourinyo ilə bağlı növbəti iddia səslənir.

"Football-plus.az" xəbər verir ki, onun mövsümün sonunda komandanı tərk edəcəyini “Sky Sports Italia” xəbər verib. Portuqaliyalı mütəxəssisin paytaxt klubu ilə yeni müqavilə üzrə danışıq aparmadığı bildirilib. Onun müqaviləsinin müddəti mövsümün sonunda başa çatacaq.

Mourinyo komandanı 2021-ci ildən çalışdırır. “Roma” onun rəhbərliyi altında 2021/22 mövsümündə Konfrans Liqasının qalibi olub. Ötən mövsüm isə Avropa Liqasının finalında “Sevilya”ya uduzub. Bəzi mənbələr don Jozenin gələn mövsümdən sabiq komandası “Real”a başçılıq edə biləcəyini iddia edir.