“Red Bull”un pilotu, dördqat dünya çempionu Maks Ferstappen haqda az qala hər gün yeni xəbər yayılır.

Və bu xəbərlər, adətən, onun komandadan ayrılacağı ilə bağlı olur. İndi də “The Race” iddia edir ki, niderlandlı yay fasiləsinə qədər 2-ci yerə yüksələ bilməsə, komandadan ayrılacaq.

Bir müddət əvvəl “Mersedes”lə “Aston Martin”in Ferstappenin xidmətində maraqlı olmasıyla bağlı xəbər yayılıb. Ümumiyyətlə, onun 2026 mövsümünü buraxması ehtimalı da var. Belədə niderlandı yeni texniki reqlament tətbiq olunandan sonra pelotondakı dəyişiklikləri təhlil etmək imkanı qazanacaq.

Dünya çempionatının yeni mövsümündə ilk beş mərhələdən sonra Ferstappen şəxsi hesabda 3-cü pillədə qərarlaşıb. O, 2-ci yerdə gedən Lando Norrisdən 2, lider Oskar Piastridən 12 xal geri qalır.