Tomas Müllerin mövsümün sonunda “Bavariya”dan ayrılacağı məlumdu. Təcrübəli futbolçu Münhen klubundan yeni təklif almayıb.

Yayda “Bavariya”nı tərk edəcək Müller karyerasını ABŞ-də davam etdirə bilər. “Bild” qəzetinin yaydığı məlumata görə, 35 yaşlı futbolçunun xidmətində “Los Anceles Qalaksi” maraqlıdı. MLS təmsilçisi artıq Tomas ilə ilkin danışıqlara start verib. Xəbərdə Müllerin gələcək karyerası ilə bağlı qərarını yaxın həftələrdə verəcəyi bildirilir.

Qeyd edək ki, o, 2000-ci ildən “Bavariya”nın sistemindədi. DÇ-2014-ün qalibi 2008-ci ildən klubun əsas komandasında çıxış edir.