Sumqayıt – Sabah (Bakı) 3:3 (1:1)
1. Mehdi Cənnətov – 6,0
14. Elvin Bədəlov (k) – 5,5
2. Sərtan Taşkın – 5,5
(7. Rövlan Muradov, 67) – 5,0
17. Murad Xaçayev – 5,0
8. Səbuhi Abdullazadə - 5,5
(77. Casurbek Caloliddinov, 81) – qiymətsiz
20. Ayxan Süleymanlı – 5,5
(99. Silvanus Nimeli, 90+1) – qiymətsiz
19. Roy Kehat – 5,5
5. Alan Dias – 5,0
23. Ronaldo Vaskes – 5,5
(21. Nihad Əhmədzadə, 46) – 5,0
60. Tresor Mossi – 5,0
9. Bobir Abdixolikov – 5,5
(11. Momo Yansane, 81) – 5,5
Ehtiyat oyunçular
94. Rəşad Əzizli
36. Xəyal Fərzullayev
6. Vüqar Mustafayev
29. Qabil Əlizadə
24. Sənan Muradlı
75. Nadir Orucov
95. Miloş Miloviç
Baş məşqçi: Vaqif Cavadov
Komandanın ən yaxşısı: Mehdi Cənnətov
92. Stas Pokatilov – 4,0
17. Tellur Mütəllimov – 5,0
5. Rəhman Daşdəmirov – 5,0
(88. Xəyal Əliyev, 56) – 5,0
15. Seymur Məmmədov – 5,0
(9. Anatoli Nuriyev, 69) – 4,5
32. Elgün Dünyamalıyev – 5,0
18. Pavol Safranko (k) – 5,0
40. İqor Noqeyra – 5,0
70. Cesse Sekidika – 5,0
13. İvan Lepinitsa – 4,5
11. Kahim Parris – 4,5
(7. Boyan Letiç, 56) – 4,5
33. Umarali Raxmonaliyev – 5,5
(8. Ayaz Quliyev, 85) – qiymətsiz
Ehtiyat oyunçular
1. Yusif İmanov
55. Nicat Mehbalıyev
6. Abdulax Xaybulayev
20. Coy-Lens Mikels
4. Sofian Çakla
3. Con İrasabal
99. Neqoş Kupusoviç
83. Stefen Ende
Baş məşqçi: Vasili Berezutski
Komandanın ən yaxşısı: Umarali Raxmonaliyev

Qollar: U.Raxmonaliyev, 6 (0:1, C.Sekidika). R.Vaskes, 18 (1:1, A.Süleymanlı). B.Abdixolikov, 47 (2:1, S.Taşkın). U.Raxmonaliyev, 71 (2:2). T. Mütəllimov, 77 (2:3, X.Əliyev). M.Yansane, 87 (3:3, M.Xaçayev).
Hakimlər: TURAL QURBANOV, Asiman Əzizli, Rəhman İmami, Elçin Məsiyev (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Akif Əmirəli (Bakı).
Hakim-inspektor: Asim Xudiyev (Bakı).
AFFA nümayəndəsi: Elgiz Abbasov (Masallı).
29 mart. Sumqayıt. Mehdi Hüseynzadə adına şəhər stadionu. 1000 tamaşaçı (9502 yerlik).
Birinsi hissəyə 1, ikinci hissəyə 3 dəqiqə əlavə olunub.
Oyunun qiyməti: 6,0.

Uzun müddət qol və qələbə üzünə həsrət qalan “Sumqayıt” son iki oyunda qələbə qazanmaqla “qara zolaqdan” çıxdığını subut etmişdi. “Sabah”ın isə yaxşı günlər yaşamadığı hər kəsə bəllidi. Belədə qonaq komandanın Sumqayıtda çətinliklə üzləşəyəcəyi də gözlənilirdi. Oyunun axarı da bu ehtimalları doğrultdu. Baxmayaraq ki, hesabı məhz qonaqlar açdı. Artıq 6-cı dəqiqədə “Sabah” yerli azarkeşləri məyus etdi. Qolun müəllifi Raxmonaliyev oldu. Özbək futbolçu Sekidikanın qapı qarşısına ötürməsini yüngül toxunuşla tora qovuşdurdu. İlk dəqiqələrdən “Sabah” meydanda daha fəal göründüyündən bu qol oyunun məntiqi axarına uyğun idi.

Qoldan sonra “Sumqayıt” irəli atılmaq lazım olduğunu başa düşdü. 17-ci dəqiqədə “kimyaçılar” Vaskeslə qola yaxın oldu. Amma topu ram edə bilməyən legioner hakimlərdən penalti tələb etməyə başladı. İstəyinə nail ola bilməyən dominikanlı hücumçu cəmi bir dəqiqə sonra hesabı açdı. Ayxanın ötürməsini “Sabah”ın müdafiəçilərinin əhatəsində səliqəylə qəbul edən Vaskes hesabı bərabərləşdirdi. Hərəyə bir dəfə fərqlənən komandalar bu qollardan sonra da hücumlarını davam etdirsələr də, fasiləyə qədər hesab dəyişmədi. Xüsusən də “Sabah” azı iki epizodda önə köçmək fürsəti qazandı. Hər iki halda Cənnətov əla qurtarışlarla “Sumqayıt” azarkeşlərinin üzülməsinə imkan vermədi.

Fasilədən dərhal sonra isə hesab dəyişdi. “Sumqayıt”ın 2-ci hissədəki ilk həmləsi qolla nəticələndi. Taşkın sağ cinahdan topu qapı qarşısına göndərdi. Özbəkistan millisinin üzvü Bobir Abdixolikov “Sabah”ın qapıçısının və müdafiəçilərinin çaşqın baxışlarının müşayəti ilə bu ötürməni qola çevirdi. Hər şey o qədər sürətli, eyni zamanda sakit axarda baş verdi ki, qonaqlar nəyin baş verdiyini anlamadılar belə.

Məğlub duruma düşən “Sabah” dərhal toparlanıb, təzyiqi artırmağa başladı. Bu işdə onlara “Sumqayıt” da bir qədər yardım etdi. Vaqif Cavadovun yetirmələri hesabda önə keçəndən sonra müdafiəyə diqqəti artırıb, meydanın özünə aid hissəsində çoxalmağa çalışdılar. Bununla da “Sabah”ın əli-qolu açıldı. Bir çox epizodlarda Mehdinin inamlı oyunu “Sumqayıt”ı qoldan xilas etsə də, hesabın dəyişəcəyini hiss etmək çətin deyildi. Gözlənilən hadisə 71-ci dəqiqədə yaşandı. Görüşdəki ilk qolu vuran Raxmonaliyev yenə də özünü göstərməyi bacardı. Sumqayıtlı müdafiəçilərin uzaqlaşdırmağa çətinlik çəkdikləri top özbək futbolçunun qüvvətli zərbəsindən sonra Cənnətov üçün də əlçatmaz oldu.

Hesabın bərabərləşməsi “Sabah”ı bir qədər də ürəkləndirdi, qonaqlar daha böyük qüvvə ilə irəli atılmağa başladılar. Meydana sonradan çıxam Xəyal Əliyevin ötürməsini Tellur Mütəllimov 77-ci dəqiqədə əla zərbə ilə qapıdan keçirdi. Zərbə o qədər baxımlı alındı ki, kimsə bu qola görə Cənnətovu da günahlandırmadı. Düşünmək olardı ki, bu qol görüşdə sonuncu olacaq və “Sabah” Sumqayıtdan 3 xalla dönəcək. Amma Mərkəzi Asiyadan olan daha bir futbolçu Pokatilov buna imkan vermədi. Qazaxıstanlı qapıçı 87-ci dəqiqədə Yansanenin o qədər də qüvvətli olmayan zərbəsinin qapıya daxil olmasına əngəl ola bilmədi. Bununla da “Sabah”ın qələbə arzusu da puç oldu. 6 qolun vurulduğu qarşılaşmada tərəflər hərəyə 1 xalla kifayətləndilər.

Mövsüm ərzində heç-heçələrinin sayını 15-ə çatdıran “Sabah” isə bu göstəricidə ölkə rekordçusuna çevrildi.

AMAL