Ronaldo danimarkalının qol sevinci haqda nə dedi?
Portuqaliya yığmasının superulduzu və kapitanı Kriştiano Ronaldo danimarkalı Rasmus Höylunnun qol sevinci barədə açıqlama verib.
''Football-plus.az'' xəbər verir ki, Millətlər Liqasının 1/4 finalının ilk oyununda Portuqaliya səfərdə Danimarkaya minimal hesabla məğlub oldu.
Görüşdə yeganə qolun müəllifi olan Höylunn qol sevincini Ronaldo kimi qeyd etməsi ilə diqqət çəkmişdi. 40 yaşlı futbolçu cavab oyunu ərəfəsində jurnalistlərlə söhbətdə həmin qol sevinci barədə bunları deyib:
''Höylunnun qol sevinci mənim üçün heç bir problem yaratmadı. Bunu özümə qarşı hörmətsizlik kimi qəbul etmirəm. Çünki bu qol sevinci çox populyardı və ondan zatən dünyanın dörd bir tərəfində bir çox futbolçular yararlanır''.
''Mançester Yunayted''in şərəfini qoruyan 22 yaşlı Höylunn ilk oyundakı qələbənin ardından Kriştianonun böyük heyranı olduğunu etiraf etmişdi:
''Ronaldo kimi sevinmək həmişə arzum olub. Xüsusilə də onun gözü önündə. Qətiyyən kibirli hərəkət deyil. Əksinə ona olan böyük hörmətimin göstəricisidi. 7 yaşımdan bəri onu təqib edirəm. ''Yunayted''i məhz onun sayəsində sevmişəm. ''Real'' və ''Yuventus''u da məhz ona görə yaxından təqib etməyə başlamışdım. İlk dəfə onu bir alt paltarı reklamında gördüyümdə öz-özümə ''mən də gələcəkdə bu cür görsənməliyəm'' demişdim. O günden etibarən hər gecə yatmadan öncə idman etməyə başlamışdım''.
ƏLİ
Digər xəbərlər
