“Şəmkir Olimpiya İdman Kompleksinin qazonunun və digər otaqlarının yaxşı vəziyyətdə olmadığı heç kimə sirr deyil. Təəssüf ki, bu tək Şəmkirə aid deyil. 2-ci liqada infrastrukturun ideal olmadığı bəllidi, amma müəyyən irəliləyişlərin olduğunu da deməliyik. Şəmkir təmsilçisi qazonla bağlı hər hansı toxum əkilməsini reallaşdırsaydı, gözləməyə dəyərdi ki, proses başlayıb və ot çıxacaq. Amma sadəcə, meydança düzləşdirilib. Yəni gözləməyin mənası yoxdu. “Şahdağ Qusar”ın narazılığına gəlincə, hər iki klubun rəsmilərinin iştirakı ilə görüş keçirilib, stadionda görüşüb PFL-ə oynamağa hazır olduqlarını bildiriblər. Sözsuz, Peşəkar Futbol Liqası turnirlərdə bu və digər məqamlarda yekun qərar vermək hüququna malikdi, amma qərar verdik ki, bu mövzuda klubların da mövqeyini öyrənək. Həmin görüşdə Rahid Əmirquliyev və Elnur Abdullayev kimi hörmət etdiyimiz veteranlar da olub. Sonra verdikləri açıqlamada, yəqin ki, nəticənin təsiri olub. Ümumiyyətlə, vəziyyəti tam başa düşürük. İstərdik ki, infrastruktur şərtləri daha yaxşı olsun, hər klubun öz stadionu olsun. Lakin hazırda 2-ci liqada olan infrastruktur şərtlərini nəzərə alıb uyğun durumu tətbiq etməyə çalışırıq”.