“Mançester Siti”nin Çempionlar Liqasında mübarizəni dayandırması Xosep Qvardiolanı bir neçə aydan sonra işsizə çevirə bilər.

Rəhbərlik komandanın baş məşqçisi ilə yolları ayırmaq istəyir. “El Nacional”ın məlumatına görə, boslar komandanın cari mövsümdəki nəticələrindən narazıdı. Müqaviləsinin müddəti 2027-ci ilin yayında sona çatacaq Qvardiolanın yerinə ən uyğun namizəd “Bayer-04”ün baş məşqçisi Xabi Alonso hesab olunur.

Xəbərdə o da bildirilir ki, ispaniyalının təyinatında maraqlı olan yalnız MS deyil. “Real” da Alonsonun namizədliyini nəzərdən keçirir. Xatırladaq ki, o, ötən il “Bayer-04”lə bundesliqa çempionluğunu və Almaniya kubokunu qazanıb.