Bir ara ''Bein Sports''da şərhçi kimi çalışan ''Trabzonspor'' və ''Beşiktaş''ın sabiq qapıçısı Tolqa Zənginin yeni iş yeri bəlli olub.

''Football-plus.az'' xəbər verir ki, 43 yaşlı futbol adamı noyabrın əvvəllərində ''Bein Sports''dan qalmaqallı şəkildə ayrılmışdı.

O, noyabrın 4-də baş tutan ''Trabzonspor'' - ''Fənərbaxça'' matçının (2:3) fasiləsində hakimi sərt şəkildə tənqid etdiyi üçün moderator Güntəkin Onaydan xəbərdarlıq almışdı. Bunun ardından Tolqa studiyanı tərk etmiş və oyundan sonrakı canlı yayına qoşulmamışdı. Bu qalmaqaldan sonra ''Bein Sports'' onunla vidalaşmışdı. 41 yaşlı Tolqa doğma klubuna - ''Trabzonspor''a qayıdıb. Amma onun hansı vəzifədə çalışacağı hələ bilinmir.

Zəngin ya idman direktoru olacaq, ya məşqçilər korpusuna daxil ediləcək, ya da oyunçu izləmə komitəsinin üzvü olacaq. ''61 saat''ın məlumatına görə onun konkret vəzifəsi baş baş məşqçi Şenol Günəş ilə keçirəcəyi görüşdən sonra bəlli olacaq.

''Trabzonspor''un yetirməsi olan Tolqa Zəngin 2002-13-cü illərdə bu klubda, 2013-19-cu illərdə ''Beşiktaş''da forma geyib. İstanbul nəhəngi ilə iki dəfə ölkə çempionu olan Zəngin Türkiyə yığmasında isə 9 oyun keçirib.

ƏLİ