Fevralın 20-də keçirilən “Leykers” – “Şarlott” oyunu ilə MBA-da müntəzəm çempionat canlandı.

"Football-plus.az" xəbər verir ki, ertəsi “Finiks”i məğlub edən “San-Antonio” bu oyunda əsas ulduzu Viktor Vembanyamanın köməyindən məhrum idi. Ona görə ki, fransalı ulduz ağır zədə üzündən mövsümün qalan hissəsini buraxacaq. 21 yaşlı basketbolçunun sağ çiynində vena trombozu aşkalarlanıb. O, “mahmızlar”ın qalan 29 oyununda parket üzərinə çıxa bilməz.

Vembanyama MBA-nın 2023 draftının 1 nömrəsidi. 2024/25 mövümündə keçirdiyi 46 oyunda orta hesabla 24,3 xal toplayıb, 11 ribaund edib, 3,8 məhsuldar ötürmə verib. Fransalı ulduz bu mövsüm karyerasında ilk dəfə Ulduzların oyununda iştirak edib.

Daha iki basketbolçu ilə bağlı da maraqlı xəbər var. “Miluoki”nin forvardı Bobbi Portis antinarkotik proqramın tələblərini pozduğuna görə 25 oyunluq diskvalifikasiya olunub. Agent Mark Bartelşteynin dediyinə görə, Portis başqa bir preparatla səhv salaraq yasaq ağrıkəsici qəbul edib. Portisin cari mövsümdə keçirdiyi 44 oyunda orta hesabla 13,6 xal, 8,3 ribaund və 2,3 ötürmə göstəricisi ilə yadda qaldığını da xatırladaq.

“Leykers” “Portlend”i səfərdə məğlub etdi və “gölməçəsevərlər”in əsas ulduzu Lebron Ceyms bu qələbəyə 40 xal, 8 ribaund və 4 məhsuldar ötürmə ilə töhfə verdi. Lebron müntəzəm çempionatda oyun sayına görə MBA tarixində 3-cü pilləyə yüksəldi. 1542-ci dəfə parket üzərinə çıxan ulduz Vins Karteri (1541) geridə qoydu. Müntəzəm çempionatlarda oyun sayına görə rekordu Robert Perişdi (1611). Bu göstəricidə 2-ci pillədə Kərim Əbdül-Cabbar (1560) qərarlaşıb.

20 fevral
Leykers – Şarlott 97:100 (28:21, 20:16, 18:32, 31:31)

21 fevral
İndiana – Memfis 127:113 (28:33, 50:26, 24:32, 25:22)
Filadelfiya 76 – Boston 104:124 (28:36, 28:36, 18:28, 30:24)
Nyu-York – Çikaqo 113:111 OT (19:21, 31:22, 33:38, 21:23, 9:7)
Bruklin – Klivlend 97:110 (19:24, 31:24, 27:35, 20:27)
Atlanta – Orlando 108:114 (33:21, 25:38, 23:31, 27:24)
Miluoki – Klippers 116:110 (28:29, 29:21, 23:39, 36:21)
Denver – Şarlott 129:115 (38:30, 28:28, 33:38, 30:19)
San-Antonio – Finiks 120:109 (31:21, 29:33, 34:25, 26:30)
Portlend – Leykers 102:110 (15:28, 32:27, 30:23, 25:32)