ABŞ, Kanada, İsveç və Finlandiya yığmalarının, yalnız MHL-də çıxış edən hokkeyçilərin qatıldığı Dörd millətin turniri dünən başa çatdı.

Xəbər verdiyimiz kimi, finala ABŞ və Kanada yığmaları vəsiqə qazanmışdı. Fevralın 18-də qrup turnirinin son oyunu da keçirildi.

Heç bir əhəmiyyət daşımayan oyunda ABŞ İsveçə uduzdu. Bostonda keçirilən final qarşılaşmasının axarına gəlincə, overtaymın 9-cu dəqiqəsində kanadalılardan Konnor Makdevid qələbə qolunu vurdu. Qrup mərhələsində Amerikanın Kanadanı 3:1 hesabıyla məğlub etdiyini nəzərə alsaq, finalın nəticəsi maraq doğurdu.

Yeri gəlmişkən, Kanadanın baş naziri Castin Trüdo “ağcaqayın yarpaqları”nın qələbəsinə özünəməxsus şəkildə reaksiya verdi: “Siz nə ölkəmizi ələ keçirə bilərsiz, nə də oyunumuzu”. Təbii ki, baş nazir bu sözlərlə ABŞ prezidenti Donald Trampın Kanadanı ölkəsinin 51-ci ştatı kimi görmək istəyinə lağ edir.

Kanada yığmasının 29 yaşlı forvardı Natan Makkinnon həm turnirin snayperi (4 qol), həm də ən yaxşı oyunçusu olub. Onun 28 yaşlı həmvətəni Makdevid isə finalın ən yaxşısı sayılıb. Konnorun turnirdə 5 (3+2) xal topladığını da xatırladaq.

18 fevral
ABŞ – İsveç 1:2 (1:2, 0:0, 0:0)

21 fevral
ABŞ – Kanada 2:3 ОТ (1:1, 1:1, 0:0, 0:1)