Finlandiya və Latviyada keçirilən hokkey üzrə dünya çempionatı başa çatdı.

"Football-plus.az" xəbər verir ki, təşkilatçılardan Latviyanın 3-cü yer uğrunda oyunda ABŞ-a qalib gəlməklə tarixində ilk dəfə mundialda medal qazandığını xüsusi vurğulayaq.

Finalda isə Kanada və Almaniya yığmaları üz-üzə gəldi. Əslində almanların finalda görünməsi sensasiya idi. Onlar buna qədər İsveçrə ilə ABŞ-ı sıradan çıxarmaqla hər kəsi təəccübləndirmişdi. Ancaq “ağcaqayın yarpaqları” eksperimental heyətlə də Almaniyanın öhdəsindən gəldi. 28-ci dəfə dünya çempionu olan Kanada 27 “qızıl” qazanan SSRİ/Rusiya yığmasını geridə qoydu. Almanlar finalda iki dəfə önə çıxsa da, kanadalılar 3-cü periodda üç cavabsız qol vurdu. Beynəlxalq Buzüstü Hokkey Federasiyası turnirin rəmzi yığmasını da açıqlayıb: qapıçı – Artur Şilov (Latviya); müdafiəçilər – Makkenzi Uiqar (Kanada), Morits Zayder (Almaniya); hücumçular – Con Ceyson Peterka (Almaniya), Rokko Qrimaldi (ABŞ), Dominik Kubalik (Çexiya).

yarımfinal
ABŞ – Almaniya 3:4 ОТ (2:2, 1:0, 0:1, 0:1)
Kanada - Latviya 4:2 (0:1, 1:1, 3:0)

3-cü yer uğrunda oyun
ABŞ – Latviya 3:4 ОТ (2:2, 0:0, 1:1, 0:1)

final
Kanada – Almaniya 5:2 (1:1, 1:1, 3:0)