“Sabah” Misli premyer-liqasının 21-ci turunda “Kəpəz”ə məğlub oldu - 3:2.

“Football-plus.az” xəbər verir ki, qonaqların baş məşqçisi Vasili Berezutski oyunsonrası mətbuat konfransında jurnalistlərin suallarını cavablayıb.

- Belə səhvlər edəcəyiksə, heç nədən qollar buraxacayqısa, qalib gəlmək çox çətindi. Bunu da şərh etmək çətindi. Rəqibin heç bir hücum etməməsinə baxmayaraq, qapımızda 3 qol gördük. Çox üzücü durumdu. Bu da futboldu.

- Bu gün rəqib komanda hədsiz pressinq edərək sizi səhvə məcbur edirdi. Həmin istək sizin komandada yox idi?
- Biz istək baxımından uduzmadıq. Azlıqda qalanda da təzyiq edirdik. Bəzi qol fürsətlərimiz də oldu. Uğurda rəqibə məğlub olduq.

- Qış fasiləsindən sonra mümkün 9 xaldan ikisini toplaya bilmisiz. Bu gedişlə hansı komandaları üstəliyə biləcəksiz?
- Bəli, belə hallarla özümüzə çətinliklər yaratdıq. Qarşıda bizi keyfiyyətli rəqiblər gözləyir. Ona görə biz burdayıq.

- Yeni qapıçınız növbəti matçda meydanda olmağa hazırdı?
- Əlbəttə, o hazırlaşır. Çox keyfiyətli şəkildə hazırlaşır. Bu yöndə qapıçılar üzrə məşqçi ilə danışacağıq.

- Əsas problemi nədə görürsüz ki, komanda bu qədər xal itirir?
- “Neftçi” ilə heç-heçəlik oyun idi. “Sumqayıt”la oyunda çoxlu qol fürsəti yaratdıq. Bu gün isə edə biləcəyimiz bütün səhvləri etdik və qapımızda 3 qol gördük.

- Çempionatdakı xal itkilərindən sonra avrokuboklara vəsiqə üçün əsas diqqəti kuboka yönəldəcəksiz?
- Bəli. Kubok bizim üçün prioritetdi. Kuboku qazanmaq üçün hər şey edəcəyik. Amma çempionat oyunlarını da unutmayacağıq.

- “Sabah” tarixində ilk dəfə “Kəpəz”ə məğlub oldu. Bu haqda nə düşünürsüz?
- Həddən artıq məyusuq. Zərbəni alan idmançı kimi ayağa qalxmaq lazımdı.

ƏSƏD SEYİDOV