Amilin təqdimatı niyə yubanır?
Amil Yunanovun Almaniya “Bülis”ində karyerasının heç də uzun sürmədiyini bilirsiz. Onun Azərbaycana qayıtdığını və karyerasını “Şəfa”da davam etdirəcəyini də xəbər vermişdik.
Təxminən üç həftə əvvəl klubun idman direktoru Elvin Ələsgərov "Football-plus.az"a transferlə bağlı belə demişdi:
“Bəli, Amil Yunanovu transfer etmişik. Yəni rəsmi müqavilə bağlanıb. İlyarımlıq razılaşmamız var. Yanvarda “transfer pəncərəsi” açılacaq. Üstəlik də rəsmi təqdimatımız olacaq. “My Group Holdinq”in ofisi “Çinar Palace”də olacaq”.
Artıq üç gün sonra, yəni yanvarın 14-də qış “transfer pəncərəsi” açılacaq. Görəsən, Amil Yunanovun təqdimat mərasimi niyə yubanır? Komanda ilə yollarını ayıran futbolçular varmı? Bu sualları “Şəfa”nın mətbuat xidmətinin əməkdaşı Mikayıl Yüsifoğluna ünvanladıq:
“Amil Yunanov da daxil olmaqla, baş tutacaq bütün transferlərlə bağlı “Şəfa”nın rəsmi sosial şəbəkə hesabında mətbuata və ictimaiyyətə açıqlama veriləcək. Ayrılan futbolçu olduğu zaman da rəsmi səhifədən bildiriləcək”.
ƏSƏD SEYİDOV
Digər xəbərlər
