Nə qəribə: 17-də komandaya qoşulacaq, 18-də oyuna çıxaracaq!
“Araz-Naxçıvan” futzal komandasının yeni baş məşqçi Yevgeni Kukseviçlə anlaşdığını xəbər vermişdik. 53 yaşını gələn ay tamamlayacaq rusiyalı mütəxəssislə “5 ay+1 illik” müqavilə imzalanıb. Onun qarşısına çempionluq hədəfi qoyulub.
Görəsən, Kukseviç Bakıya nə vaxt gələcək? Komandada köklü dəyişikliklər olacaqmı? Bu sualları “Araz-Naxçıvan”ın vitse-prezidenti Mahmud Sadıqova ünvanladıq:
“Baş məşqçi yanvarın 16-sı gələcək. Bir gün sonra isə komandaya qoşulacaq. Ayın 18-də “Baku Fire” ilə oyunda komandanın başında olacaq. İki futbolçumuz gedib. İmaməli Hüseynovla Qüdrət Qasımzadəni “Yasamal Bakı”ya icarəyə verdik. Yığmanın sabiq üzvü Əmir Şocayi ilə müqavilə bağlamışıq. Artıq Bakıya gəlib. Sabahdan məşqlərə başlayacaq. İki yeni oyunçu ilə danışıqlar davam edir. Günün sonunda və ya sabah yekunlaşacaq”.
ƏSƏD SEYİDOV
Digər xəbərlər
