“Yenə də mən çox zəif olduqları ilə razı deyiləm” – Vitali Borisov Kukseviçə cavab verdi
Futzal üzrə ölkə çempionatında mübarizə aparan “Araz-Naxçıvan”nın yeni təyin baş məşqçisi Yevgeni Kukseviç maraqlı açıqlama verib.
Rusiyalı mütəxəssis azerisport.com saytına müsahibəsində yerli futzalçıların səviyyəsinin aşağı olduğunu iddia edib:
“Əvvəli ilə müqayisədə güclü təzad var, mən bunu İsveçlə matçda da gördüm. UEFA-nın “milliləşdirmə” ilə bağlı qaydanı sərtləşdirilməsi də ciddi təsir göstərdi. Yerli futzalçıların səviyyəsi çox aşağıdı”.
Bəs yığmanın baş məşqçisi Vitali Borisov bu fikirlə razılaşırmı? Onun “Football-plus.az”a cavabı:
“Komanda yeni formalaşır. Yəqin Kukseviç Rusiya millisi ilə müqayisədə deyir. Çünki neçə il orda işləyib. Onlarla müqayisədə, əlbəttə, zəifik. Bu komandaya vaxt lazımdı. Həm də tapmaq, axtarmaq lazımdı. Cavan futzalçılardı, təcrübəlilər də 2-3 il sonra karyerasını bitirəcək. Onların yerini cavanlar tutmalıdı. Lap zəif olmasalar da, üzərlərində çox işləmək lazımdı. Həmçinin mütəxəssis İsveçlə oyuna baxıb. Onun öz fikri var, ona hörmətlə yanaşmalıyıq. Yenə də mən çox zəif olduqları ilə razı deyiləm. Səviyyə bir qədər aşağıdı, amma çox yox”.
RÖYANƏ OĞUZ
Digər xəbərlər
