Kurban Berdıyev heyəti gücləndirir, yoxsa alternativ axtarır?
Misli premyer-liqasında yarışan komandalar heyətini gücləndirmək yönündə işə başlayıb.
“Turan Tovuz” artıq iki futbolçunun keçidini həll edib. Rusiyalı yarımmüdafiəçi Anron Kraçkovski icarə əsasında cari mövsümün sonunadək komandanın şərəfini qoruyacaq. Qərblilərin “Sumqayıt”dan ayrılan Rəhim Sadıxovla da anlaşdığını qeyd edək. Kurban Berdıyev cari mövsümdə “Kəpəz”də çıxış edən Orxan Əliyevi də sərəncamında görmək istəyir.
Görəsən, Berdiyevin transferləri komandanı gücləndirməyə hesablanıb, yoxsa sadəcə, zədəli oyunçuları əvəzləmək üçün alternativ axtarır? Bu sualları təcrübəli mütəxəssis Vaqif Sadıqova ünvanladıq:
“Hər bir transfer komandanın güclənməsinə hesablanıb. Nə dərəcədə özünü doğruldacağı tam fərqli məsələdi. Bunu çempionatın gedişi göstərəcək. Hesab edirəm ki, bu gün hər bir komandamız güclənir. “Turan Tovuz”da zədəli futbolçular var və bəziləri oyunları buraxacaqlar. Onların yerlərini doldurmaq lazımdı. Berdıyev daxildə rəqabəti gücləndirməklə inkşafa və tərəqqiyə nail olacaq. “Turan Tovuz” iddiasını göstərməyə çalışacaq. Digər klublar da çempionatın səviyyəsinə az da olsa, rəng qatacaqlar. Bizi intiriqa dolu 2-ci hissə gözləyir”.
ƏSƏD SEYİDOV
Digər xəbərlər
