''Liverpul'' Arne Slotun başçılığı altında əla mövsüm keçirməkdə davam edir.

Mersisaydlılar premyer-liqanın 19-cu turunda səfərdə ''Vest Hem''i 5:0 hesabı ilə darmadağın etdilər. Komanda ən yaxın rəqibini 8 qal qabaqlamaqla inamla turnir cədvəlinə başçılıq edir.

''Liverpul''un lideri Məhəmməd Salah üçün fərdi planda da mövsüm inanılmaz keçir. Misirli ulduz ''Vest Hem''lə oyunu 1 qol, 2 məhsuldar ötürmə ilə tamamladı. O, bu mövsüm premyer-liqada artıq 8-ci dəfə bir oyunu qol və məhsuldar ötürmə ilə tamamladı. Bu, turnirin yeni rekordudu. Özü də nəzərə alaq ki, hələ mövsümün yalnız yarısı geridə qalıb! Bundan başqa Salah bütün turnirləri nəzərə almaqla 2024-cü ildə məhsuldar ötürmələrinin sayını 23-ə çatdırdı. Turnir premyer-liqa adı ilə keçirildiyi vaxtdan, yəni 1992-dən bu yana ''Liverpul''un heç bir futbolçusunun bir təqvim ilində bu cür göstəricisi olmamışdı.

Salah hazırda 17 qolla bombardirlər yarışına başçılıq edir. İkinci pillədəki Holannın 14 qolu var.

ƏLİ