Premyer-liqanın 14-cü turunda lider ''Liverpul'' səfərdə ''Nyukasl'' ilə qarşılaşdı.

Meydan sahiblərinin iki dəfə, qonaqların isə bir dəfə önə keçdiyi maraqlı qarşılaşma 3:3-lük bərabərliklə yekunlaşdı. Mövsümün əvvəlini mükəmməl keçirən Məhəmməd Salah yenə öz performansı ilə diqqət çəkməyi. O, oyunu qol və məhsuldar ötürmə ilə tamamladı. 13-cü qolunu vurmaqla Erlinq Holannı geridə qoyan və bombardirlər yarışında zirvəyə yüksələn misirli superulduz həm də yeni bir rekordun sahibi oldu. Salah premyer-liqada 37-ci dəfə bir oyunda ən azı bir qol və bir məhsuldar ötürmə verməyi bacardı.

Bu, turnirin yeni rekordudu. Əvvəlki rekord Ueyn Runiyə məxsus idi. İngiltərə yığmasının sabiq üzvü ''Everton'' və ''Mançester Yunayted''in heyətində premyer-liqa 36 dəfə bir oyunu ən azı ''1+1'' ilə başa vurmuşdu. Amma ən heyrət doğuran məqam bu futbolçuların keçirdiyi oyun sayları arasındakı fərqdi. Runi bu göstəriciyə 491 oyunda nail olubsa, Salah onun rekordunu 277-ci oyunda, yəni Runidən 214 oyun az keçirməklə yenilədi! Maraq üçün bu siyahıda digər pillələrdə Tyerri Anri (32), Alan Şirer (31) və Endi Koulun (28) qərarlaşdığını bildirək.

ƏLİ