Qarabağ (Ağdam) - Sumqayıt 5:0 (3:0)
97. Fabian Buntiç - 6,0 
55. Bədavi Hüseynov (k) - 4,5 
(44. Elvin Cəfərquliyev, 28) - 6,0 
30. Abbas Hüseynov - 6,0 
27. Toral Bayramov - 6,5 
22. Musa Qurbanlı - 7,0 
90. Nəriman Axundzadə - 6,5 
(21. Aleksey Kaşuk, 69) - 5,5 
66. Patrik Andrade - 6,0 
7. Yassin Benzya - 5,5 
(6. Julio Romao, 62) - 5,6 
2. Mateus Silva - 6,0 
(20. Riçard Almeyda, 62) - 5,5
15. Leandro Andrade - 6,5
(19. Redon Cica, 69) - 6,0 
11. Emmanuel Addai - 5,5 
Ehtiyat oyunçular
99. Mateus Koxalski
1. Şahrudin Məhəmmədəliyev
12. Sadiq Məmmədzadə
10. Abdulla Zubir
8. Marko Yankoviç
18. Olavio Juninyo
Baş məşqçi: Qurban Qurbanov 
Komandanın ən yaxşısı: Musa Qurbanlı

1. Mehdi Cənnətov - 4,5 
10. Rəhim Sadıxov - 4,5 
(12. Georgi Karaişvili, 64) - 4,5 
2. Sərtan Taşkın - 4,0
17. Murad Xaçayev (k) - 4,5 
30. Kamran Quliyev - 4,5 
(41. Uğur Cahangirov, 53) - 4,5
20. Ayxan Süleymanlı - 4,0 
66. Ruslan Əliyev - 4,5 
(21. Nihad Əhmədzadə, 53) - 4,5
19. Roy Kehat - 5,0
(6. Vüqar Mustafayev, 76) - qiymətsiz
95. Miloş Miloviç - 4,0 
(5. Alan Dias, 46) - 4,0 
23. Cordan Rezabala - 4,5
60. Tresor Mossi - 4,5 
Ehtiyat oyunçular
94. Rəşad Əzizli
56. Aftandil Arixov
24. Sənan Muradlı
64. Kənan Feyziev
9. Nikola Vuynoviç
Baş məşqçi: Vaqif Cavadov
Komandanın ən yaxşısı: Roy Kehat

Qollar: M.Qurbanlı, 7 (1:0, N.Axundzadə). M.Qurbanlı, 33 (2:0, N.Axundzadə). N.Axundzadə 45+1 (3:0 L.Andrade). R.Cica, 76 (4:0, M.Qurbanlı). T.Bayramov, 90+3 (5:0). 
Vərəqələr: M.Cənnətov, 70 (oyunun bərpasının ləngidilməsi). R.Almeyda, 90 (qeyri-idman hərəkəti). C.Rezabala, 90 (qeyri-idman hərəkəti). M.Xaçayev, 90+1 (qeyri-idman hərəkəti) - sarı.
Hakimlər: TURAL QURBANOV, Rəhman İmami, Asiman Əzizli, Əkbər Əhmədov (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Cəmil Quliyev (Bakı).
Hakim-inspektor: Babək Quliyev (Bakı).
AFFA nümayəndəsi: Zümrüd Ağayeva (Bakı).
14 dekabr. Bakı. Tofiq Bəhramov adına Respublika stadionu. 720 tamaşaçı (31200 yerlik).
Hər hissəyə 1 dəqiqə əlavə olunub.
Oyunu qiyməti: 6,0. 

Avropa Liqasında “Elfsborq”a uduzan “Qarabağ” qələbə çox lazım idi. Həm azarkeşlərin könlünü oxşamaq, həm də “Araz-Naxçıvan”ın xal itkisindən yararlanıb zirvəyə yüksəlmək üçün.

Artıq 7-ci dəqiqədə qələbə yolunda ilk addım atıldı. Abbas - Nəriman - Musa kombinasiyasını sonuncu dəqiq zərbə ilə tamamladı - 1:0. 16-cı dəqiqədə Nəriman Leandroya, o isə Musaya ötürmə verdi. Qurbanlı çevrilib zərbə endirsə də, Sərtan Taşkın blok qoydu. 33-cü dəqiqədə Musa Qurbanlı daha bir kombinasiyanı qolla bitirdi. Yalnız bundan sonra qonaqların ifasında ilk təhlükəli vəziyyəti izlədik. Rezabala irəliləyib solda olan Kehata doğru ötürmə verdi. Amma israilli yarımmüdafiəçinin zərbəsi qeyri-dəqiq oldu. Hissənin sonunda ağdamlılar daha bir qol vurdu. Bu dəfə Nəriman – Leandro anlaşması ideal səviyyədə işlədi. Nəriman topu Leandroya verdi, aldı və dəqiq zərbə ilə tora qovuşdurdu.

Artıq ilk yarını 0:3 geridə bitirən “Sumqayıt”ın, daha doğrusu, Vaqif Cavadovun fasilədən sonra çempiona nə təklif edəcəyi maraqla gözlənilirdi. Vaqif bəyin ilk addımı müdafiəçi Miloviçi Diasla dəyişmək, ardından Uğurla Nihadı meydana buraxmaq oldu. Amma bu gedişlər heç bir fayda vermədi. 76-cı dəqiqədə “Qarabağ” “Sumqayıt”ın qapısından növbəti qolu keçirdi. Bu dəfə Kaşuk – Musa - Cica kombinasiyasını sonuncu dəqiq zərbə ilə tamamladı - 4:0.

Oyunda son nöqtəni isə uzaqdan dəqiq zərbələri ilə tanınan Toral Bayramov qoydu. Düzü, onun belə zərbələrinə artıq öyrəşmişik. 2-ci uzatma dəqiqəsində Toral cərimə zərbəsindən topu birbaşa qapıya göndərdi - 5:0. 

Beləliklə, “Sumqayıt” Cavadovun rəhbərliyi altında növbəti dəfə darmadağın oldu. 15-ci turda da “Zirə” “kimyaçılar”a belə aqibət yaşatmışdı (4:1).

Gözdən qaçmadı
* Hələ ötən tur, yəni “Sabah”la qarşılaşmada premyer-liqada "Qarabağ"ın heyətində 100-cü oyununa çıxan Elvin Cəfərquliyevə bu dəfə xatirə hədiyyəsi verildi. 24 yaşlı müdafiəçiyə üzərində 100 yazılan forma və diplom təqdim olundu.
* “Kimyaçılar” tribunaya 15 dəqiqə gec gəldi.
* Darmadağın olan “Sumqayıt”ın futbolçuları oyundan sonra “miks-zona”da jurnalistlərlə danışmaq istəmədilər. Səbəbini soruşduqda isə bunun Vaqif Cavadovun tapşırığı olduğunu söylədilər.

ƏSƏD SEYİDOV