Nəhayət, Erlinq Holannın hazırkı klubundakı gələcəyi ilə bağlı məsələyə aydınlıq gəlib.

O, tezliklə “Mançester Siti” ilə müqaviləsini yeniləyəcək. “Marca” qəzetinin yaydığı xəbərdə yeni müqavilənin ilin sonuna kimi rəsmiləşəcəyi bildirilir. Bu mənbəyə görə, Erlinq 2029-cu ilin yayına qədər MS-yə bağlı olacaq. Yeni müqavilədə futbolçunun digər klubdan əlverişli təklif alacağı halda MS ilə anlaşmanı pozmaq hüququna malik olacağı nəzərdə tutulacaq.

Norveçli hücumçu İngiltərə klubunda 2022-ci ilin yayından çıxış edir. 24 yaşlı Holann premyer-liqada iştirak etdiyi 78 oyunda 75 qol vurub.