Erlinq Holannın illik qazancını artırmaq imkanı var.

"Football-plus.az" xəbər verir ki, “Mançester Siti” hücumçuya daha yaxşı şərtlərlə yeni müqavilə təklif edəcək.

İngiltərə klubu Norveç millisinin aparıcı oyunçusunun maaşını, demək olar ki, iki dəfə artırmağa hazırdı. O, yeni təklifi qəbul edəcəyi halda həftəyə 600 min funt sterlinq (700 min avro) qazanacaq.

Yerli mənbələr MS-nin 23 yaşlı hücumçuya digər klubların onu ala bilməməsi üçün yeni müqavilə təklif edəcəyini vurğulayır.

Xatırladaq ki, Holannın klubu ilə hazırkı müqaviləsi 2027-ci ilin yayına qədər qüvvədədi. Gənc futbolçu həftəyə 375 min funt sterlinq (437 min avro) məvacib alır.