Səbail – Qarabağ (Ağdam) 0:3 (0:0)
1. Hüseynəli Quliyev – 5,5
74. Yusif Nəbiyev (k) – 5,5
18. Süleyman Əhmədov - 5,5
(6. Cabir Əmirli, 87) – 5,5
20. Mərt Çəlik – 5,5
11. Rüfət Abdullazadə - 5,5
83. Nihad Quliyev – 5,5
(7. Madi Queta, 87) – qiymətsiz
19. Samir Abdullayev – 5,0
(36. Azad Əsgərov, 90) – qiymətsiz
17. Gülağa Əsədov – 5,5
(77. Fərid Nəbiyev, 71) – 5,0
8. Qorka Laruçça – 5,5
3. Dmitri Litvin – 5,0
14. Suleyman Alluş – 6,0
Ehtiyat oyunçular
12. Əlirza Müştəbazadə
15. Vüsal Məsimov
16. Emin Rüstəmov
Baş məşqçi: Cavid Hüseynov
Komandanın ən yaxşısı: Süleyman Alluş
99. Mateuş Koxalski – 6,0
30. Abbas Hüseynov - 5,5
(29. Marko Veşoviç, 70) – 6,0
24. Aleksey İsayev - 5,5
13. Bəhlul Mustafazadə - 5,5
44. Elvin Cəfərquliyev - 6,0
10. Abdulla Zubir (k) – 6,0
(11. Emmanuel Addai, 77) – qiymətsiz
81. Kevin Medina – 5,5
(2. Mateus Silva, 70) – 5,0
66. Patrik Andrade – 6,0
(15. Leandro Andrade, 70) – 6,0
7. Yassin Benzya – 5,5
18. Olavio Juninyo – 6,0
21. Aleksey Kaşuk – 6,5
(27. Toral Bayramov, 70) – 5,5
Ehtiyat oyunçular
97. Fabian Buntiç
1. Şahrudin Məhəmmədəliyev
20. Riçard Almeyda
22. Musa Qurbanlı
90. Nəriman Axundzadə
19. Redon Cica
Baş məşqçi: Qurban Qurbanov
Komandanın ən yaxşısı: Aleksey Kaşuk

Qollar: O.Juninyo, 47 (0:1, A.Kaşuk). A.Kaşuk, 66 (0:2, K.Medina). L.Andrade, 88 (0:3).
Vərəqələr: S.Əhmədov, 6 (qeyri-idman hərəkəti). Y.Nəbiyev, 14 (qeyri-idman hərəkəti). A.Hüseynov, 17 (qeyri-idman hərəkəti). P.Andrade, 29 (qeyri-idman hərəkəti). B.Mustafazadə, 59 (qeyri-idman hərəkəti). K.Medina, 62 (qeyri-idman hərəkəti) - sarı.
Hakimlər: NİCAT İSMAYILLI, Zöhrab Abbasov, Cəmil Quliyev, Əkbər Əhmədov (hamısı Bakı).
VAR hakimi: Əliyar Ağayev(Bakı).
VAR hakiminin köməkçisi: Zeynal Zeynalov (Bakı).
Hakim-inspektor: Anar Salmanov (Bakı).
AFFA nümayəndəsi: Asif Əliyev (Bakı).
23 noyabr. Bakı. “ASCO Arena”. 1900 tamaşaçı (3200 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 6,5.

Bu oyunun azarkeşlərin maraq dairəsində olmasının səbəbi var idi. Axı “Səbail” yeni baş məşqçisi Cavid Hüseynovun rəhbərliyi altında ilk oyuna çıxırdı. “Qarabağ” üçün isə bunu sıradan bir çempionat oyunu saymaq olardı - “Araz-Naxçıvan” bir gün əvvəl turnir cədvəlində liderliyi ələ keçirməsəydi.

Gözlənildiyi kimi, oyun “Qarabağ”ın hücumlarıyla başladı. 12-ci dəqiqədə Yusif Nəbiyevin itirdiyi topu Benzya Zubirə, o da Patrik Andradeyə ötürsə də, sonuncunun zərbəsi dəqiq olmadı. 24-cü dəqiqədə Kaşukdan ötürmə alan Cəfərqliyev topu saxlamadan qapıya göndərdi. Lakin Hüseynəli yerində idi. Az sonra Kaşuk Juninyonu da zərbə mövqeyinə çıxardı. Lakin Mərt onun fərqlənməsinə mane oldu. Çox fəal görünən Kaşuk təhlükəli ötürmələri sıralasa da, “Qarabağ”ın ayrı-ayrı oyunçuları son nöqtəni qoymaqda çətinlik çəkirdi. Beləcə ilk yarı qolsuz başa çatdı. Ancaq oyunun belə axarı hesabın gec-tez açılacağına işarə idi. 47-ci dəqiqədə Benzya, Kaşuk və Juninyonun iştirakı ilə qurulan ildırım sürətli əks-hücumu braziliyalı qolla tamamladı. 53-cü dəqiqədə Medina fərqi artırmağa yaxın oldu. “Səbail” 2-ci hissədə ilk ciddi hücumu 56-cı dəqiqədə qurdu. Rüfətin ötürməsindən sonra Alluş qapıya dəqiq, amma zəif zərbə vurdu. Düzdü, hakim də bu epizodda bayrağını havaya qaldırdı. 66-cı dəqiqədə olan-qalan intriqa da itdi. Medina meydanın komandasına aid hissəsindən uzun ötürmə ilə Kaşuku zərbə mövqeyinə çıxardı. Litvinin heç cür çata bilmədiyi ukraynalı qapıya qarşısıalınmaz zərbə vurdu – 0:2.

“Səbail” ara-sıra hücum qursa da, bunların kəskinliyindən danışmağa dəyməz. Əvəzində 84-cü dəqiqədə Cəfərquliyev Veşoviçin ötürməsindən sonra 3-cü qolu vurmağa borclu idi. 88-ci dəqiqədə onun bacarmadığını Leandro bacardı. Daha doğrusu, Elvinin zərbəsini Hüseynəli qaytardı, Leandro təkrar zərbə ilə toru silkələdi.

Beləliklə, “Qarabağ” növbəti darmadağını reallaşdırdı. Bununla da Ağdam klubu yenidən liderliyi özünə qaytardı. “Səbail”in isə Şahin Diniyevin dönəmindəki komandadan, demək olar ki, heç nə ilə fərqlənmədi.

Gözdən qaçmadı
* Oktyabrın ən yaxşı qolunun müəllifi - “Səbail”in futbolçusu Samir Abdullayev PFL-in texniki idman direktoru Elgiz Abbasov tərəfindən mükafatlandırıldı.
* “Səbail”in texniki zonasında yer alan akademiya uşaqları “Qarabağ”ın futbolçuları ilə şəkil çəkdirirdi.
*  “İmarət Tayfa”nın üzvü, 44 günlük müharibədə şəhid olan Məhəmmədəli İbrahimlinin 28-ci doğum günü münasibəti ilə “Maqa 28” yazılmış pankart açılmışdı.

RÖYANƏ OĞUZ