“Zirə” Misli premyer-liqasının 15-ci turunda “Sumqayıt”ı darmadağın etdi - 4:1.

“Football-plus.az” xəbər verir ki, “qartallar"ın baş məşqçisi Rəşad Sadıqov oyunsonrası mətbuat konfransında jurnalistlərin suallarını cavabladı.

- Çox maraqlı oyun oldu. Sürətli, dinamik və aqressiv oyun izlədik. Hər iki komanda baxımlı oyun nümayiş etdirməyə çalışdı. Birinci hissədə hər iki tərəf fərqləndi. Qol epizodlarımızdan ilk hissədə fərqlənə bilmədik. Meydanda bərabər şəraitli mübarizə gedirdi. “Sumqayıt” aqressiv pressinq tətbiq edirdi. Hücumlar qurmağa çalışırdıq. İkinci yarıda rəqibdən üstün oynadıq. Qol epizodlarından səmərəli istifadə etdik və qələbə qazandıq. Bu yükün altına girdikdə biraz narahatçılıq var idi. Rəqibi analiz etdikdə çox maraqlı detallar bizi cəlb elədi. Vaqif Cavadovu təbrik edirəm. Qarşıda “Şamaxı”ya qarşı kubok oyunu bizi gözləyir.

- Vaqif Cavadov qeyd etdi ki, qolları biz hədiyyə etdik. Bu barədə nə düşünürsünüz?
- Düşünürəm ki, yaxşı pressinq tətbiq edib, hücuma keçidlərdən qollarımızı vurduq. Mövqe hücumundan müasir futbolda qol vurmaq çətindi. Təhlil etdikdən sonra bəlkə də fikrim dəyişəcək.

- Orxan Məmmədov da komandanı təbrik eləmək üçün paltardəyişmə otağına gəlmişdi. Qələbə münasibəti ilə hansısa söhbət oldumu?
- Bizim üçün də sevindiricidi. Orxan müəllim komandanı paltardəyişmə otağında təbrik etdi. Müəyyən mövzular var ki, mətbuat konfransında danışmaq doğru olmaz. Çətin zamanlarda Orxan müəllim hər zaman özünü önə verir.

- Utziqin durumu nə yerdədi?
- Görsənən odu ki, zədəsi ciddidi. Qismət Alıyevi itirdik. 4-5 həftə meydandan uzaq qalacaq. Görsənən odu ki, qış fasiləsindən sonra oynaya biləcək. Sabah MRT olunacaq. Utziq dözümlü, əzmkar futbolçulardan biridi. Ümid edək ki, uzun müddət bizdən ayrı qalmasın. Bu gün yerli futbolçuları itirmək bizim üçün böyük itkidi.

- David Volkov bu gün möhtəşəm qollar vurdu. Onun qış fasiləsinə qədər bu tempdə qalması üçün nə lazımdı?
- Məşqlərdə əzmkarlığı ortaya qoyanda meydanda hər şey yaxşı alınır. Söhbət tək Vokovdan getmir. Belə olduqda oyunda çox şey alınır. Mən uğurun sirrini bunda görürəm.

ƏSƏD SEYİDOV