“Qarabağ” Avropa Liqasının əsas mərhələsinin 4-cü turunda keçiriləcək “Bude/Qlimt”in qonağı olacaq.

“Football-plus.az” xəbər verir ki, “Qarabağ”ın kapitanı matçdan öncə keçirilən mətbuat konfransında jurnalistlərin suallarını cavablandırıb:

- Bizi sabah çox çətin oyun gözləyir. "Bude/Qlimt" hücumda və müdafiədə balanslı komandadı. Anlayırıq ki, hazırda xalımız yoxdu. Çalışacağıq ki, sabah ilk xallarımızı qazanaq və vəziyyəti öz xeyrimizə düzəldək.

- Üç oyunda xal qazanmamağınızın səbəbi nədir?
- Mən də anlamıram. Hər dəfə daha yaxşı oyun nümayiş etdirməyə çalışırıq. Bəzən gözlənilməz hadisələr də baş verir. "Ayaks"la oyunda qırmızı vərəqə gedişatı dəyişdi. Eyni zamanda "Tottenhem"lə matça yaxşı başladıq. Əlimizə düşən qol vəziyyətlərindən istifadə edə bilmədik. Ümid edirəm ki, qarşıdakı oyunlarda vəziyyəti dəyişəcəyik.

- Süni örtükdə oynamaq sizin üçün problem olacaq?
- Süni oynamağa öyrəşməmişik. Həm ot örtüyü, həm də doğma azarkeşlərinin qarşısında oynamaq "Bude/Qlimt" üçün üstünlük olacaq. Onların "Portu"ya qarşı oyununu izləmişik. Təbii ki, rəqibin zəif cəhətləri var. Necə olacağını sabah görəcəyik.