Türkiyə çempionatında bu həftə derbi həftəsidi. Bazar ertəsi baş tutacaq ''Qalatasaray''la ''Beşiktaş''ın duelinin nəticəsi böyük maraqla gözlənilir.

Qalib gələn tərəf psixoloji cəhətdən üstünlük qazanacaq. ''Qalatasaray'' mövsümün əvvəlində superkubokda qeydə alınan 0:5 hesablı şok məğlubiyyətin qisasını almağa çalışacaq. ''Beşiktaş'' üçün isə ən azı uduzmamaq çox önəmlidi. Çünki ''Qartal'' turnir cədvəlində rəqibindən 1 oyun az keçirməklə 5 xal geridədi. Bu arada hər iki nəhəng klubun bu qarşılaşma üçün futbolçulara əlavə pul mükafatı vəd etdiyi məlum olub.

''Qalatasaray''da bu mükafat 1,5 milyon avroya bərabərdi. Komanda qalib gəlsə, bu məbləğ oynayan oyunçular arasında bərabər bölüşdürüləcək. Rəhbərlik bir neçə həftə öncə ''Fənərbaxça'' ilə derbi üçün də 1,5 milyon avroluq mükafat vəd etmiş və həmin vaxt ''Qalatasaray'' səfərdə 3:1 hesabı ilə qalib gəlmişdi. ''Beşiktaş'' cəbhəsində isə Türkiyə mətbuatının iddiasına görə mükafat 1 milyon avroya bərabərdi.

ƏLİ