Dortmund “Borussiya”sının bundesliqa çərçivəsində cümə günləri ev matçlarındakı fenomenal məğlubiyyətsiz seriyası davam edir. “Arılar” bu dəfə cümə günü doğma fanatlar önündə debütant “Sankt Pauli”ni məğlub etdi və 2004-cü ildən bəri davam edən rekord seriya artıq 39 oyuna çatdı!

Şənbə günü səfərdə qalib gələn yeganə komanda “Leyptsiq” oldu. “Maynts-05”i iki cavabsız qolla yenən “öküzlər” bir neçə saatlığa vahid liderliyə yüksəldilər. Özü də komanda ardıcıl 5-ci tur qapısını toxunulmaz saxladı! Son çempion “Bayer-04” “Ayntraxt”la ev oyununda əzmkar qələbə qazandı. Bu oyunda penaltini dəqiq yerinə yetirməklə qonaqları hesabda önə keçirən Marmuş ardıcıl 6-cı turda fərqlənməyi bacardı. “Ayntraxt” tarixində daha öncə bunu yalnız Entoni Yeboa (1993) və Bernd Höltsenbayn (1977) bacarmışdı. Daha bir əzmkar qələbəni “Haydenhaym”lə ev oyununda Münhenqladbax “Borussiya”sı qazandı. “Auqsburq”u evə əliboş yola salan “Frayburq” isə 3-cü pilləyə yüksəldi. Turun mərkəzi oyununda ötən mövsümün vitse-çempionu “Ştutqart” “Bavariya”nın qonağı oldu. Bu oyun bir daha göstərdi ki, şvabiyalılar ötən mövsümdəki gücündən çox uzaqdı. Komanda güclü rəqibə yalnız ilk yarıda müqavimət göstərə bildi. Fasilədən sonra isə meydanda yalnız bir komanda var idi. Het-trik edən Keyn əlinə düşən bütün fürsətləri dəyərləndirsəydi, ən azı penta-trik müəllifi ola bilərdi. “Rekordmayster” bu inamlı qələbə ilə liderliyi yenidən özünə qaytardı. Amma Kompaninin komandası hələ ki zirvəni “Leyptsiq”lə bölüşməyə məcburdu. 2015-in avqustunda debüt edən Kimmixin “Bavariya”nın heyətində yubiley – 400-cü rəsmi oyununu keçirdiyini də bildirək.

Tura bazar günü keçirilən iki qarşılaşma ilə yekun vuruldu. “Union” debütant “Holştayn”la səfər matçında problem yaşamadı. Turun ən məhsuldar oyunu Volfsburqda keçirildi. “Canavarlar” “Verder”lə ev oyununda favorit statusunu doğrulda bilmədilər. Baxmayaraq ki, hesabı məhz onlar açdılar. Amma qalan vaxtda “Verder” 4 qol vurmaqla parlaq qələbə qazandı. Özü də komanda ardıcıl 2-ci səfər oyununda 4 top vurdu. Maraqlıdı ki, “Verder” bu mövsüm hər üç qələbəsini səfərdə qazanıb.

7-ci tur
Bavariya – Ştutqart 4:0
Keyn, 57; 60; 80. Koman, 89. (75024)
Bavariya: Noyer, Gerreyro (Laymer, 68), Kim Min Çje, Upamekano (Qoretska, 82), Devis, Kimmix, Pavloviç (Palyinya, 8), Olise (Sane, 68), Müller, Qnabri (Koman, 68), Keyn.
Ştutqart: Nübel, Vaqnoman (Çeys, 86), Şabo, Ruo, Hendriks (Mittelştadt, 66), Karazor, Ştiller, Rider, Levelinq (Voltemade, 74), Dəniz Undav, Demiroviç (Miyo, 66).

Borussiya D – Sankt Pauli 2:1
Bensebayni, 43. Girassi, 83 – Smit, 78. (81365)
Borussiya: Kobel, Ryuyerson, Anton, Şlotterbek, Bensebayni, Əmrə Can (Nmeça, 69), Qross (Gittens, 46), Malen (Bayer, 76), Brandt (Vatyen, 90+5), Zabitser, Girassi.

Bayеr-04 – Ayntraxt F 2:1
Andrix, 25. Bonifeys, 71 – Marmuş, 16-p. (30000)
Bayer-04: Qradetski, Frimponq (Tella, 80), Ta, İnkapye, Tapsoba, Qrimaldo, Andrix, Caka, Adli (Qarsiya, 64), Terrye (Virts, 64), Bonifeys (Şik, 80).
Ayntraxt: Trapp, Kristensen, Kox, Teate, Nkunku (Can Uzun, 81), Larsson (Mahmud Dahud, 79), Tuta (Skiri, 79), Ebimbe (Çaibi, 70), Götse (Bahoya, 70), Ekitike, Marmuş.

Maynts-05 – Leyptsiq 0:2
Simons, 20. Orban, 37. (30100)
Leyptsiq: Qulaçi, Qeertruyda, Klostermann, Orban, Lukeba, Nusa (Baumqartner, 74), Aydara (Kampl, 56), Vermeeren (Elmas, 74), Simons, Şeşko (Henrixs, 74), Openda (Poulsen, 84).

Hoffеnhaym – Bohum 3:1
Kramariç, 11. Bülter, 64. Tabakoviç, 90+3 – Qamboa, 76. (19281)

Borussiya M – Haydenhaym 3:2
İtakura, 22. Klayndinst, 62; 75-p. – Skienza, 12. Piringer, 80-p. (50000)

Frayburq – Auqsburq 3:1
Qrifo, 34. Linhart, 37. Günter, 45+1 – Tits, 65. (33500)

Holştayn – Union 0:2
Kemlayn, 18. Rote, 89. (15034)

Volfsburq – Verder 2:4
Tomas, 19. Mehle, 79 – Vayzer, 45+5. Aqu, 51. Dukş, 67. Qrüll, 72. (28917)

1. Bavariya 7 5 2 0 24-7 17
2. Leyptsiq 7 5 2 0 11-2 17
3. Frayburq 7 5 0 2 12-8 15
4. Bayer-04 7 4 2 1 18-13 14
5. Union 7 4 2 1 8-4 14
6. Ayntraxt F 7 4 1 2 15-11 13
7. Borussiya D 7 4 1 2 14-12 13
8. Verder 7 3 2 2 12-14 11
9. Haydenhaym 7 3 0 4 12-11 9
10. Ştutqart 7 2 3 2 15-15 9
11. Borussiya M 7 3 0 4 10-12 9
12. Maynts-05 7 2 2 3 11-12 8
13. Volfsburq 7 2 1 4 15-16 7
14. Hoffenhyaym 7 2 1 4 13-17 7
15. Auqsburq 7 2 1 4 10-18 7
16. Sankt Pauli 7 1 1 5 5-11 4
17. Holştayn 7 0 2 5 9-21 2
18. Bohum 7 0 1 6 7-17 1

Bombardirlər: Marmuş (Ayntraxt F) – 9, Keyn (Bavariya) – 8.
Növbəti turun oyunları oktyabrın 25-27-si aralığında keçiriləcək: Auqsburq – Borussiya D, Bohum – Bavariya, Haydenhaym – Hoffеnhaym, Maynts-05 – Borussiya M, Lеyptsiq – Frayburq, Sankt Pauli – Volfsburq, Union – Ayntraxt F, Ştutqart – Holştayn, Verder – Bayеr-04.

Turun rəqəmi
300 – “Bayer-04”ün təcrübəli qapıçısı Qradetski sabiq klubu “Ayntraxt”a qarşı meydana çıxmaqla bundesliqada yubiley oyununu keçirdi. O, turnirin tarixində 300 oyun həddinə çatan ilk əcnəbi qapıçı oldu! 34 yaşlı finlandiyalı bu oyunlardan 101-ni “Ayntraxt”ın, 199-nu “Bayer-04”ün heyətində keçirib. Ötən mövsümə qədər bundesliqada ən çox (291) oyuna çıxan əcnəbi qapıçı ilə bağlı rekord Zommerə məxsus idi. Maraqlıdı ki, Qradetski bu rekordu yeniləyərkən, yəni bundesliqada 292-ci oyununa çıxarkən də rəqib “Ayntraxt” idi.

Turun ulduzu
Harri Keyn (Bavariya) – İngiltərə yığmasının kapitanı son oyunlarda məhsuldarlığı bir qədər aşağı düşdüyü üçün tənqid olunmağa başlamışdı ki, yenidən “ağzıgöyçəkləri” susdurmağı bacardı. Başqa ölkələrdə “perfect hat-trick” (ideal het-trik) ifadəsi bir futbolçunun bir oyunda həm sağ, həm sol ayaqla, həm də başla qol vurması mənasını verirsə, Almaniyada bu ifadə bir futbolçunun bir hissədə 3 qol vurmasını nəzərdə tutur. Keyn məhz bunu bacardı. “Bavariya”da bunu sonuncu dəfə 2015-də “Volfsburq”a qarşı tarixi matçda 9 dəqiqəyə 5 qol sığışdıran Levandovski bacarmışdı. Keyn Münhen nəhənginin heyətində yalnız 55-ci rəsmi oyununu keçirməsinə baxmayaraq, artıq 7-ci (!) het-trikini rəsmiləşdirdi. Onun bundesliqada 39-cu oyunda qollarının sayını 44-ə çatdırmasını da xüsusi qeyd etməyə dəyər.

Turun sitatı
Sebastyan Höness, “Ştutqart”ın baş məşqçisi: