“Bəli, oyunun sonunda baxdım ki, fanklub orda yoxdu. Amma azarkeşlər vardı, yəni orda təkcə “Milli dəstə” deyildi. Məndə olan məlumata görə, 190 nəfərlik azarkeş qrupu stadionda olub. “Milli dəstə” isə 190 nəfər deyil, qısa heyətlə ordaydı. Gördüyüm qədəri ilə azarkeşlər oyun bitən kimi tribunaları tərk elədi. Adətən, millinin futbolçulari dəvət olunur, onlarla söhbət edilir. Amma onu görmədim, qalan azarkeşlər elə görüş bitən kimi oranı tərk etdilər.

Fikrimcə, sona qədər qalsaydılar, daha doğru olardı. Sadəcə, qalıb dəstək verməyə bilərdilər. “Milli dəstə”də həqiqətən Azərbaycanı, millətimizi sevənlər çoxdu. Onlar yığmamızın uğuruna sevinən, uğursuzluğuna kədərlənən insanlardı. Emosionaldılar, bu da azarkeş üçün normaldı. Bunu, sadəcə, emosiyaya bağlayıram. Emosional davranıblar, olmasaydı, daha yaxşı olardı. Azarkeş həmişə haqlıdı. Komandamız həqiqətən də yaxşı oyun nümayiş etdirmədi, səhvlərə yol verdi, əlinə düşən imkanlardan yararlanmadı. Ona görə də azarkeşlərin emosionallığını başa düşmək olar”.