Hemilton uzun müddət depressiya ilə çarpışıb
“Mersedes”in pilotu Lüis Hemilton uzun illər ərzində, yəni hələ yeniyetməlikdən etibarən depressiya ilə mübarizə apardığını bildirib.
Dediyinə görə, məktəbdə aşağılanma cəhdləri ilə mübarizə aparmaq onun üçün çətin olub:
“20 yaşım olanda həqiqətən çətin dönəmdən keçmişəm. Daim psixi problemlə mübarizə aparmışam. Depressiya həyatım boyunca məni müşayiət edib. Lap erkən yaşdan, 13 yaşımdan başlayaraq... Heç kimlə danışa bilmirdim. Ancaq vaxtilə məni acıqlandıran şeylər indi acıqlandırmır. Daha yetkin adam olmuşam”.
39 yaşlı Hemilton yeddiqat dünya çempionudu. O, həmçinin “Formula-1” tarixində 100 qələbə həddinə çatan ilk pilotdu. Braziliyalı gələn il “Ferrari”yə qoşulacaq.
