Avropa Liqasının liqa mərhələsinin 1-ci turunda keçiriləcək "Tottenhem" - "Qarabağ" oyunu üçün hakim təyinatları açıqlanıb.

"Football-plus.az" xəbər verir ki, matçı Fransa Futbol Federasiyasından 31 yaşlı Villi Delajod idarə edəcək. O, 2020-ci ildən FİFA referisi adını daşıyır.

Delajoda həmyerliləri Ervan Finjan və Filip Jan köməklik göstərəcək. Dördüncü hakim funksiyasını Tomas Leonard yerinə yetirəcək. VAR hakimi Benua Miyo, AVAR hakimi Alan Kicas (Avstriya) olacaq.

Qeyd edək ki, sentyabrın 26-da keçiriləcək “Tottenhem” – “Qarabağ” oyunu Bakı vaxtı ilə saat 23.00-da başlayacaq.