Millətlər Liqasının İsrail - İtaliya oyunundan (1:2) əvvəl diqqəti cəlb edən aksiya keçirilib.

"Football-plus.az" xəbər verir ki, İtaliyalı azarkeşlər rəqib komandaya etiraz ediblər.

Matç İsraildəki müharibə şəraiti səbəbindən Macarıstanın paytaxtı Budapeştdə keçirilib. Nominal meydan sahibi olan İsrail yığmasının üzvləri arzuolunmaz halla üzləşib. Oyunun startından əvvəl tribunada 50-yə yaxın italiyalı azarkeşdən ibarət qrup İsrailin dövlət himni səsləndirilərkən etiraz edib. Apenninlilər etiraz əlaməti kimi arxalarını meydana tərəf çeviriblər.

İtaliyalıların bu hərəkəti sosial şəbəkələrdə müzakirələrə səbəb olub. Bəzi sosial şəbəkə istifadəçiləri azarkeşlərin davranışını dəstəkləyib. Bəziləri isə onların faşistyönlü fanat qruplarından olduğunu qeyd edib.