“Mançester Siti”nin azarkeşləri İngiltərə premyer-liqasının 30-cu turunun “Arsenal”la matçında (0:0) aksiya keçiriblər.

“Football-plus.az” xəbər verir ki, onlar klub rəhbərliyinə etiraz ediblər. Buna komandanın ev oyunları üçün nəzərdə tutulan biletlərin qiymətlərinin artırılması səbəb olub. Qeyd edək ki, ötən mövsüm klub tarixində rekord məbləğdə gəlir əldə edlib. Rəhbərlik ardıcıl uğurlardan sonra oyunlara azarkeş marağının daha da artması səbəbi ilə bilet qiymətlərini yüksəltməyi lazım bilib. Azarkeşlər isə bu qərarı mənfi qarşılayıblar. Onların açdığı pankartlarda “Rekord qazanc, amma rekord qiymətlər. Sədaqətimizdən faydalanmağı dayandırın” yazılıb.