İngiltərə yığmasının baş məşqçi vəzifəsinə əsas namizədlər müəyyənləşib.

“Football-plus.az" xəbər verir ki, namizədlərin sırasında Eddi Hau, Qrem Potter və Frenk Lempard da var. İngiltərə Futbol Assosiasiyası (İFA) bu mütəxəssislərdən birinə üstünlük verməyi planlaşdırır.

Bu da var ki, İFA-nın prioriteti “Mançester Siti”nin baş məşqçisi Xosep Qvardioladı. Yığmanın baş məşqçi əvəzi kimi ilk iki oyunda qələbə qazanan Li Karslinin indi daimi çalışdırıcı olmaq üçün yaxşı şansı var. “The Telegraph”ın yazdığına görə, assosiasiya yeni baş məşqçini DÇ-2026-nın seçmə mərhələsi başlayanadək təyin edəcək.

Sabiq baş məşqçi Qaret Sautqeyt bu ilin iyul ayında vəzifəsindən istefa verib. O, bu qərara AÇ-2024-ün finalında İspaniyaya məğlubiyyətdən (1:2) sonra gəlib. Sautqeyt ötən ay UEFA-nın Texniki Müşahidəçilər Komitəsinin daimi üzvü seçilib.