Məlum olduğu kimi ''Beşiktaş'' bu mövsüm Türkiyəni Avropa Liqasında təmsil edəcək.

İstanbul nəhəngi yeni formatla oynanılacaq qrup mərhələsində ilk matçını səfərdə ''Ayaks''a qarşı keçirəcək. Bu oyun sentyabrın 26-da ''Amsterdam Arena''da baş tutacaq.

Bu arada bir neçə gün öncə Türkiyə mətbuatında ''Ayaks''ın həmin oyun üçün UEFA-ya müraciət etməsi barədə şayiələr yayılmışdı. Amsterdam nəhəngi təhlükəsizlik məsələlərini əsas gətirərək qonaq fanatların stadiona buraxılmamasını istəmişdi. Çox güman, ''Ayaks''ın dərdi Niderlandda qürbətçi türklərin sayının çox olması ilə bağlıdı. Onlar həmin türklərin bilet alaraq ''Ayaks'' üçün ayrılmış tribunalara da doluşacağından çəkinirlər. Amma UEFA-dan ''Beşiktaş''a şad xəbər gəlib.

Qurum ''Ayaks''ın heç bir ciddi səbəb göstərmədiyini əsas gətirərək onların tələbini rədd edib. Bu da o deməkdi ki, Amsterdamdakı oyunda ''Beşiktaş'' fanatları da tribunadakı yerini alacaq.

ƏLİ