“01.09.2024-cü il tarixində keçirilmiş “Zirə” –“Qarabağ” matçının 10-cu dəqiqəsindən etibarən qrupumuz azarkeşlərə qarşı olan hörmətsiz yanaşmanı boykot edərək tribunanı tərk edib. Azarkeşlər üçün olduqca yöndəmsiz olan Zirə Olimpiya İdman Kompleksi Azərbaycan futbolunun ən böyük camiəsi olan “Qarabağ” tribunasının tələbatını ödəyə bilmədi.

Camiəmizin digər azarkeş qrupu (“Qarabağ Ordu” - red.) yer sıxlığı səbəbindən tribunaya daxil ola bilmədi və haqlı etirazları polisin sərt reaksiyasına səbəb oldu. Bu şərtlər altında böyük “Qarabağ” camiəsinin bir yumruq halında birləşdiyini bütün futbol ictimaiyyətinə göstərmək üçün qrupumuz oyunu tərk etdi. Başda “Qarabağ” futbol klubu olmaqla, məsələyə aidiyyatı olan bütün qurumların daha diqqətli və həssas olmasını öncə xahiş, sonra tələb edirik. Həmin hadisələrlə bağlı sosial şəbəkələrdə yazılan bəzi məlumatlar əsassızdı”.