“Qarabağ”ın üç əsas oyunçusu “Dinamo”ya qarşı oynamayacaq. Bunlar Marko Veşoviç, Marko Yankoviç və Elvin Cəfərquliyevdi. Futbolçular Razqradda “Ludoqorets”ə qarşı matçda zədələnib. İndi onları Mateus Silva, Patrik Andrade və Toral Bayramov əvəz edəcək. Bəs hadisələrin belə cərəyan etməsinə səbəb nədi?

“Qarabağ”ın fiziki hazırlıq üzrə məşqçisi Çudomir Cakarov komandanın məşq yükünü artırıb. Mütəxəssis hər dəqiqədən istifadə edir və futbolçular ancaq çalışır. Hətta oyun günü də! Yəqin ki, onların təzyiqə tab gətirməyərək zədələnməsinin səbəbi budu. Buna görə komandanın məhsuldarlığı bəzən əks-məhsuldarlıqla nəticələnir. Baxmayaraq ki, “Ludoqorets”lə matçda belə olmadı. İndi Cakarov Qurban Qurbanovu çətin vəziyyətdə qoyub. Azərbaycanlının “Bayer-04”ə qarşı oynatdığı futbolçular meydana çıxa bilməyəcək. Çudomir isə özüylə qürur duya bilər. Görünür, “Qarabağ” “Ludoqorets”ə 7 qolu məhz onun memarı olduğu fiziki hazırlıq sayəsində vurub. Sonuncu sual isə hələ də aktualdı. Cakarovun hazırladığı oyunçular “Dinamo”ya qarşı sona qədər tab gətirə biləcəkmi?”