Georgi Mamardaşvili ilə bağlı şayiələr səngimir.

“Football-plus.az” xəbər verir ki, “Valensiya”nın və Gürcüstan millisinin qapıçısı “Liverpul”a keçə bilər. Bu barədə “Relevo” nəşrinin məlumatında İngiltərə klubunun futbolçu üçün 30 milyon avroluq təklif hazırladığı qeyd olunur. 23 yaşlı qapıçı “Valensiya”ya Tbilisinin “Dinamo” klubundan 850 min avroya keçib. Futbolçunun İspaniya klubu ilə müqaviləsinin müddəti 2027-ci ilin yayına qədərdi.

Mamardaşvili ötən mövsüm 32 matçda meydana çıxıb, 34 qol buraxıb, 12 oyunda isə qapısını toxunulmaz saxlayıb.