Konfrans Liqası
2-ci təsnifat mərhələsi, cavab oyunu
DAK 1904 (Slovakiya) – Zirə 1:2 (1:1)
41. Aleksandar Popoviç
91. Romarik Yapi
33. Taras Kaçaraba
16. Mateus Brunetti
17. Yohan Andzuana (k)
8. Milan Dumin
(97. Yan Bernat, 61)
24. Kristian Herk
(27. Milan Vitalis, 61)
6. Mahmudu Bayo
(68. Mate Tuboli, 80)
18. Aleks Mendes
99. Ladislav Almasi
(23. Damir Rezdiç, 61)
46. Matey Trusa
(13. Levente Bosze, 74)
Ehtiyat oyunçular
1. Samuel Petras (q)
30. Atilla Nemet (q)
9. İvan Dolçek
10. Ammar Ramadan
Baş məşqçi: Xisko Munyos

97. Tyaqo Silva
32. Qismət Alıyev (k)
4. Ruan Renato
3. Ange Mutsinzi
70. İssa Cibrilla
(16. Fuad Bayramov, 73)
11. Rüstəm Əhmədzadə
(6. Eldar Quliyev, 67)
21. Hacıağa Hacılı
8. İsmayıl İbrahimli
(28. Abbas İbrahim, 67)
29. Ceyhun Nuriyev
(7. Məqsəd İsayev, 67)
23. Rafael Utziq
90. Davit Volkov
(18. Martins Junior, 67)
Ehtiyat oyunçular
41. Anar Nəzirov
99. Səlim Həşimov
5. Stefan Aka
14. Elçin Əlicanov
Baş məşqçi: Rəşad Sadıqov

Qollar: R.Utziq, 25 (0:1). A.Mendes, 40 (1:1). Q.Alıyev, 57-p. (1:2).

Vərəqələr: Y.Andzuana, 72. M.Bayo, 77. M.Vitalis, 87 – sarı. R.Yapi, 56 – qırmızı.

Hakimlər: YOVAN KAÇEVSKİ, Slaqjan Markoski, Branko Putilin, İvana Proykovska (hamısı Şimali Makedoniya).
Hakim-inspektor: Terye Hauqe (Norveç).
UEFA nümayəndəsi: Andi Zere (Albaniya).

1 avqust. Dunayska Streda. “MOL Arena” stadionu. 3754 tamaşaçı.
Birinci hissəyə 1, ikinci hissəyə 4 dəqiqə əlavə olunub.
İlk oyun - 0:4.

15 (5) qapıya (“çərçivə”yə) zərbə 12 (3)
4 künc zərbəsi 5
0 ofsayd 1
18 qayda pozuntusu 6
3 (1) sarı (qırmızı) vərəqə 0 (0)
37 topa sahibolma (faizlə) 63

Cavab görüşünün formal xarakter daşıdığı aydın idi. Amma futbolda heç vaxt nəyisə tam əminliklə demək mümkün deyil. Ən yeni nümunə: “Sabah” 3:0 hesablı qələbəni az qala əldən verəcəkdi. Digər tərəfdən, Bakıda 0:4 uduzan rəqib sona qədər mübarizə aparmış, “asan yem” olmadığını göstərmişdi.
“DAK 1904” bu oyuna da fəal başladı. Artıq 8-ci dəqiqədə slovakiyalılar “dişini göstərdi”. Kristian uzaq məsafədən qapını yoxlamağa çalışdı. Amma onun qüvvətli zərbəsi qeyri-dəqiq oldu. Cəmi 1 dəqiqə sonra Matey topu sinəsiylə ram edərək “çərçivə”yə zərbə endirdi. Bu dəfə də hədəfə düşmək mümkün olmadı. Yalnız 10-cu dəqiqədə meydan sahibləri qapıya ilk dəqiq zərbəni endirə bildi. “İkinci mərtəbə”də mübarizədən qalib ayrılan Mateyin başla zərbəsi Tyaqo üçün çətinlik yaratmadı. Rəşad Sadıqovun yetirmələri də elə ilk oyundakı kimi 10 dəqiqədən sonra yavaş-yavaş toparlanmağa başladı. 21-ci dəqiqədə əks-hücuma çıxan “qartallar” rəqibi daha diqqətli olmağa məcbur etdi. Əks-hücum zamanı Utziqin zərbəsini bloklayan slovakiyalılar lazım olduğu qədər diqqətli ola bilmədilər. Çünki cəmi 4 dəqiqə sonra növbəti əks-hücum zamanı Utziqin zərbəsinin qarşısını almaq mümkün olmadı. Qolu Utziq vursa da, Cibrillanın topu meydanın özlərinə aid hissəsinə ələ keçirib üç futbolçudan sürəti hesabına sıyrılaraq verdiyi ötürməni mütləq vurğulamaq lazımdı. Artıq “Zirə” ümumi hesabda 5:0 öndə idi. Amma meydan sahibləri ruhdan düşmədi. 33-cü dəqiqədə Kristian növbəti dəfə cərimə meydançası kənarından qapıya qüvvərli zərbə vurdu. Futbolçu bu dəfə hədəfə düşə bilsə də, Tyaqo sayıqlığı itirmədi. Munyosun yetirmələri qol istəyinə 40-cı dəqiqədə çatdı. Cərimə zərbəsindən sonra “qartallar”ın qapısı önündəki qarışıqlıqdan Aleks yararlandı – 1:1.

İkinci hissəyə hər iki tərəf fəal başladı. Kornerdən sonra Ceyhunun zərbəsi qapıdan aralı keçdi. Bir qədər sonra isə rəqibin künc zərbəsi zamanı Ceyhundan topu almağı bacaran Yohanın zərbəsi qapının üstündən keçdi. 53-cü dəqiqədə Bayo uzaq məsafədən qüvvətli zərbə ilə baxımlı qola imza atmağa yaxın oldu. Fəqət Tyaqo bu dəfə də səhvsiz oynadı. Hücumların sayını artıran meydan sahibləri 55-ci dəqiqədə qapımız önündə daha bir təhlükəli vəziyyət yaratdı. Künc zərbəsindən sonra Bayonun qüvvətli vuruşu qapıdan azca aralı keçdi. Cəmi 2 dəqiqə sonra isə Renato Rüstəmi qapıçıyla təkbətək çıxardı və bu zaman Romerik onun qarşısını kobudluqla aldı. Nəticədə həm “qırmızı” aldı, həm də komandasının əleyhinə penalti qərarı verildi. Penaltini dəqiq yerinə yetirən Qismət oyunun taleyinə aydınlıq gətirdi. Azlıqdan qalan rəqibin ümidləri bu qoldan sonra tam söndü. 75-ci dəqiqədə Hacıağa azca dəqiq olsaydı, bəlkə də turnirin ən gözəl qoluna imza atacaqdı. 77-ci dəqiqədə isə Məqsədin vurduğu top rəqib futbolçuya dəyib istiqamətini dəyişdi və qapıdan azca aralı keçdi.

Beləliklə, səfərdə də qalib gələn “Zirə” daha güclü “Osiyek”ə rəqib oldu.

KAMAL SƏFƏR