Konfrans Liqası
2-ci təsnifat mərhələsi, ilk oyun
Zirə - DAK 1904 (Slovakiya) 4:0 (2:0)

97. Tyaqo Silva
3. Ange Mutsinzi
4. Ruan Renato
8. İsmayıl İbrahimli
15. Pyer Zebli
(21. Hacıağa Hacılı, 59)
18. Martins Junior
(11. Rüstəm Əhmədzadə, 59)
23. Rafael Utziq
(7. Məqsəd İsayev, 79)
29. Ceyhun Nuriyev
(6. Eldar Quliyev, 79)
32. Qismət Alıyev (k)
70. İssa Cibrilla
(16. Fuad Bayramov, 86)
90. Davit Volkov

Ehtiyat oyunçular
41. Anar Nəzirov
99. Səlim Həşimov
5. Stefan Aka
14. Elçin Əlicanov
28. Abbas İbrahim
Baş məşqçi: Rəşad Sadıqov

41. Aleksandar Popoviç
8. Milan Dimun
(6. Mahmudu Bayo, 54)
10. Ammar Ramadan
(7. Yan Bernat, 54)
16. Mateus Brunetti
17. Yohan Andzuana (k)
18. Aleks Mendes
(91. Romarik Yapi, 54)
21. Mark Ksinger
(25. Filip Kaşa, 15)
23. Damir Redziç
27. Milan Vitalis
33. Taras Kaçaraba
46. Matey Trusa
(99. Ladislav Almasi, 66)

Ehtiyat oyunçular
1. Samuel Petras
30. Atilla Nemet
9. İvan Dolçek
13. Levente Bosze
24. Kristian Herk
68. Mate Tuboli
Baş məşqçi: Xisko Munyos

Qollar: R.Utziq, 29 (1:0). M.Junior, 31 (2:0). D.Volkov, 51 (3:0). D.Volkov, 53 (4:0).
Vərəqələr: M.Vitalis, 26. A.Popoviç, 29 – sarı.
Hakimlər: İVO TORRES, Rafael Morim, Dani Dias, Jasim Sabotiç (hamısı Lüksemburq).
Hakim-inspektor: Dimitar Meçkarovski (Şimali Makedoniya).
UEFA nümayəndəsi: Xristo Zapryanov (Bolqarıstan).
25 iyul. Bakı. “Liv Bona Dea Arena” stadionu. 2150 tamaşaçı.
Hər hissəyə 3 dəqiqə əlavə olunub.

10 (5) qapıya (“çərçivə”yə) zərbə 5 (1)
4 künc zərbəsi 5
2 ofsayd 0
3 qayda pozuntusu 7
0 (0) sarı (qırmızı) vərəqə 2 (0)
53 topa sahibolma (faizlə) 47

Avropa Liqasının 1-ci təsnifat mərhələsində “Şerif”i səfərdə udsa da, cavab oyununda penalti seriyasında məğlub olan “Zirə” avrokuboklardankı yoluna Konfrans Liqasında davam edir. “Qartallar” srağagün Slovakiyada ötən mövsümü gümüş medalla bitirən “DAK 1904” ilə qarşılaşdı. Kimisə favorit göstərmək çətin idi, meydanda bərabər səviyyəli oyun gedəcəyi gözlənilirdi. Lakin “Zirə” inanılmaz şəkildə avrokuboklar tarixinin ən böyükhesablı qələbəsinə imza atdı.

Qonaqlar ilk dəqiqələrdə güclü pressinq edərək, müdafiəmizdə boşluqlar tapmağa çalışırdı. Artıq 3-cü dəqiqədə cərimə zərbəsi zamanı ev tapşırığını yerinə yetirən Munyosun yetirmələri “qartallar”ı daha da diqqətli olmağa çağırdı. Oyuna çox fəal başlayan “sarı-göylər” cəmi 2 dəqiqə sonra uzaq məsafədən qapını yoxlamağa çalışdı. Ammarın zərbəsi qapının üstündən keçdi.

İlk 10 dəqiqədən sonra Sadıqovun komandası yavaş-yavaş oyuna nəzarəti ələ aldı. Artıq 14-cü dəqiqədə rəqib qapısı önündə ilk təhlükəli vəziyyət yaradıldı. Lakin Volkovun ötürməsinə heç bir komanda yoldaşı toxuna bilmədi. Epizodun yaradılmasında əsas pay sahiblərindən biri də Cibrilla idi. 29-cu dəqiqədə “Zirə” hesabı açmağı bacardı. Cibrillanın qüvvətli zərbəsini qolkiperi dəf etsə də, dönən topu ələ keçirən Utziq müdafiəçilərin anlaşmazlığından yararlandı. Hesabda geri düşən qonaqlar irəli atıldı. Amma bu tələskənlik onlara baha-başa gəldi. 31-ci dəqiqədə Zeblinin mərkəzdə qazandığı topu Ceyhun boşluqda olan Martinsə göndərdi. “Qartallar”ın yeni transferi topu özünəməxsus şəkildə sağ ayağına çəkərək “doqquzluğ”a göndərdi – 2:0. Artıq Sadıqovun komandası meydanda dominantlıq edirdi. 42-ci dəqiqədə qonaqlar üçüncü dəfə mərkəzə dəvət oluna bilərdi. Lakin İsmayılın qapı önünə göndərdiyi ötürmə zamanı oyunçuların diqqətindən yayınan Volkovun baş zərbəsi az fərqlə qapıdan aralı keçdi.

İkinci hissə də qarşılıqlı hücumlar şəraitində başladı. Lakin qonaqlar tezliklə növbəti dəfə məyus oldu. 51-ci dəqiqədə Qismətin qapı önünə asmasından sonra Volkov topu tora qovuşdurdu – 3:0. Bununla da oyunun taleyi həll olundu. Volkov iki dəqiqə sonra, demək olar ki, cütün taleyinə də aydınlıq gətirdi – 4:0. Hesabın bu həddə çatdığını görən Munyosun komandası təsəlli qolunu vurmağa çalışdı.

İnsafən, onların belə imkanları da oldu. Slovakiya təmsilçisi 84-cü dəqiqədə bəlkə də oyundakı ən təhlükəli vəziyyəti yaratdı. Roderikin sağ cinahdan cərimə meydançasına göndərdiyi hava ötürməsini ucaboy Ladislav qüvvətli baş zərbəsiylə “çərçivə”yə yönəltdi. Lakin Tyaqo bu epizodda göstərdiyi seyvlə biranlıq Avrova çempionatının 1/8 finalındakı Mərt Günoku xatırlatdı. Braziliyalı qolkiper qonaqların son ümidini öldürdü, bəlkə həm də “Şerif”in 2-ci qolundakı günahını yudu.

Beləliklə, “Zirə” Konfrans Liqasına da qələbəylə başladı. Özü də darmadağınla! Qəsəbə təmsilçisinin Slovakiya səfəri formal xarakter daşıyacaq.

Gözdən qaçmadı
* Rəqibin “Ultras 1904” və “Dabas” azarkeş qrupları komandaya yetərincə yaxşı dəstək verdi.
* Xisko Munyosun köməkçiləriylə yanaşı, slovakiyalı jurnalistlər də hakimin bəzi qərarlarından narazı idi.
* Ot ortüyünün durumu heç də yaxşı deyildi.
* Rəşad Sadıqov son dəqiqələrdə futbolçularının hücum etməsini istəyirdi.

KAMAL SƏFƏR