“Çelsi” daha bir oyunçunu transfer edib.

“Football-plus.az” xəbər verir ki, London klubu “Vilyarreal”ın qapıçısı Filip Yorgenseni heyətinə  qatıb. Klubun rəsmi saytının məlumatına görə, 22 yaşlı futbolçu ilə müqavilənin müddəti 2031-ci ilin yayınadək nəzərdə tutulub. Danimarka millisinin oyunçusu yeni komandasına ABŞ turu zamanı qoşulacaq. Transferin məbləği hələ ki açıqlanmayıb. Tanınmış jurnalist Fabritsio Romanonun yaydığı məlumata görə, londonlular “Vilyarreal”a 24,5 milyon avro ödəyəcəklər.

Yorgensen İspaniya klubunda 2023-cü ilin yanvarından oynayırdı. O, ötən müddətdə bütün turnirlərdə 44 matça çıxıb və 75 qol buraxıb.