“Roman Qriqorçukla tanışlığım 2014-cü ilə təsadüf edir. Orda oynadığım müddətdə mənə münasibəti yaxşı olub. Çünki mən həm millidə çıxış edirdim, həm də “Qəbələ”yə 6 ay idi transfer olunmuşdum. Komandaya gələndən mənə münasibəti yaxşı idi. O vaxt formamın zirvəsindəydim. Həm oyunuma, həm də xarakterimə görə mənə hörmətlə yanaşırdı, münasibətlərimiz əla idi. Yəni adam tam peşəkar, işində ciddi, həm də bacarıqlı idi. “Qəbələ” ilə iki dəfə Avroliqaya düşdü. İşlədiyi klublarda ciddi uğura imza atıb. Bu adam futbolun tam incəliklərini, sirlərini bilən adamdı. Ümid edirəm ki, burda da yaxşı nəticələrə imza atar. Özüm də köhnə “Neftçi”li olduğum üçün istəyirəm səsi yüksəkdən gəlsin. İnanıram ki, Roman müəllim “ağ-qaralar”da nəsə dəyişiklik edəcək, komandaya yeni nəfəs verəcək. İşində tam ciddi, yeri gələndə zarafatcıl, kimisə cəzalandırmaq lazım olanda sərt olmağı bacaran biridi. Tam peşəkar biridi. İnanıram ki, “Neftçi”də gözlənilən nəticəni əldə edə biləcək”.