UEFA Xorvatiya Futbol İttifaqını (XFİ) Albaniya ilə oyunda (2:2) yaşananlara görə cərimələyib.

“Football-plus.az” xəbər verir ki, XFİ-nin saytında yer alan xəbərdə deyilir ki, 28 min avro cəriməyə pirotexniki vasitələrdən yararlanan və meydana kənar əşyalar atan azarkeşlərin davranışı səbəb olub.

Serbiya yığması bir neçə gün əvvəl UEFA-nı Albaniya və Xorvatiya yığmalarının azarkeşləri təhqiramiz şüarlara görə cəzalanmayacağı təqdirdə turnirdən çəkiləyə ilə təhdid etmişdi. Xatırladaq ki, Xorvatiya – Albaniya oyununun gedişində hər iki komandanın azarkeşləri “serbləri öldürün” şüarını səsləndirmişdi.

“Rubin”in və Albaniya yığmasının forvardı Mirlind Daku da sanksiya ilə üzləşib. O, Xorvatiya ilə oyunun ardından makedoniyalılarla serblərin əleyhinə yönələn təhqiramiz şüar səsləndirib. Daku yığmanın qarşıdakı iki oyununda meydana çıxa bilməyəcək.