“Real” rəhbərliyi Luka Modriçdən sonra daha bir oyunçu ilə müqaviləni yeniləyib. Söhbət Lukas Vaskesdən gedir.

“Marca” qəzetinin məlumatına görə, 32 yaşlı yarımmüdafiəçi ilə Madrid klubu arasında rəsmiləşən yenə sözləşmənin müddəti bir ildi. Xatırladaq ki, rəhbərlik Vaskeslə olduğu kimi, təcrübəli yarımmüdafiəçi Modriçlə də müqavilənin müddətini birilliyə uzadıb. Yeri gəlmişkən, “OK Diario”nun məlumatına görə, Luka komandada qalmaq naminə məvacibinin iki dəfə azaldılmasına razılıq verib.
Klub hər iki oyunçu ilə bağlı məlumatı yaxın günlərdə rəsmi şəkildə elan edəcək.

Vaskes 2007-ci ildən “Real”ın oyunçusudu. O, bu komandada ümumilikdə 347 matç keçirib.