“Təbii ki, dörd komandanın hər biri avrokuboklara getməyə layiqdi. Hər halda, tutduğu yerlər özü bir sübutdu ki, çempionat ərzində yetərincə yaxşı oyun nümayiş etdiriblər. Hansı komandaların gedəcəyi son turda məlum olacaq, biri isə qıraqda qalmış olacaq. Hər biri fərqıi oyun üslubuna malik komandalardı. “Qarabağ” istisna olmaqla, digər komandalara qarşı elə rəqiblər düşə bilər ki, üçü də ilk mərhələdə məğlub ola bilər. Bir qədər zəif rəqiblər düşdüyü halda, keçmək şansımız da var. Mənə görə üç komandamızın hər biri eyni oyun nümayiş etdirə bilərlər. Hansısa biri daha yaxşı oynayar deyə, ayıra bilmirəm. Bir daha qeyd etmək istəyirəm ki, komandalarımızın avrokuboklarda nə qədər yol qət etmələri onların bəxtinə düşən rəqibdən asılıdı. Çünki Avropa səviyəsində olan komandalarımız yoxdu. Yəni, açıq-aşkar deyə bilmərik ki, üç və ya dörd mərhələni tam əminliklə keçəcəyik. Yalnız “Qarabağ” bu təcrübəyə malikdi. Heyəti buna imkan verir. Çempionlar Liqasının ilk mərhələlərini keçəcəyinə əminik.

“Fikrimcə, dörd komandanın hər biri avrokuboklara getməyə layiqdi. Heyətlərini bir qədər də gücləndirib səviyyəli çıxış etməyə qadirdilər. Fikrimcə, “Zirə” etibarlı müdafiəsi hesabına avrokuboklarda daha yaxşı nəticə göstərə bilər”.